7 tamyzda respýblıkanyń soltústigi men soltústik-batysynda jańbyr jaýyp, naızaǵaı oınaıdy
ASTANA. 6 tamyz. QazAqparat - Qorshaǵan ortany qorǵaý mınıstrligi «Qazgıdromet» RMK-nyń málimetterinshe,
2012 jyldyń 7 tamyzynda respýblıkanyń soltústigi men soltústik-batysynda atmosferalyq frontaldyq bólikterdiń ótýimen ótkinshi jańbyrlar jaýady, naızaǵaı oınap, jel kúsheıedi.
Qazaqstannyń qalǵan bóliginde jaýyn-shashynsyz aýa raıy kútilýde.
Máselen, Aqmola, Ońtústik Qazaqstan, Aqtóbe, Qostanaı, Soltústik Qazaqstan, kúndiz Jambyl, Qyzylorda oblystarynda keıbir jerlerde 15-20 m/s jyldamdyqpen jel soǵady, Qyzylorda oblysynda shańdy daýyl kóteriledi.
Atyraý, Aqtóbe oblystarynda kúndiz kún qatty ysıdy.
Almaty, Mańǵystaý, Batys Qazaqstan oblystarynda, sondaı-aq Ońtústik Qazaqstan, Qostanaı, Qaraǵandy oblystarynyń keıbir jerlerinde kúndiz kún qatty ystyq bolady.
Atyraý oblysynda, Batys Qazaqstan, Aqtóbe, Qyzylorda, Ońtústik Qazaqstan, Jambyl, Almaty, Pavlodar, Shyǵys Qazaqstan oblystarynyń keıbir jerlerinde tótenshe joǵary órt qaýpi saqtalady.
