7 tamyzda Qazaqstan qalalaryndaǵy aýanyń sapasy qandaı bolmaq
ASTANA. QazAqparat - Seısenbi, 7 tamyz kúni Qazaqstannyń úsh qalasynda ǵana aýa sapasy nasharlaıdy, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń málimetine qaraǵanda, Aqtaý, Kókshetaý jáne Shymkent qalalarynda ǵana jaǵymsyz meteorologııalyq jaǵdaı qalyptasady.
Almaty, Astana, Atyraý, Qaraǵandy. Qostanaı, Pavlodar, Petropavl, Taldyqorǵan, Taraz, Oral jáne Óskemende aýa sapasyna keri áser etetin meteojaǵdaılar bolmaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteofaktorlardyń (tymyq, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
