7 tamyz: Týǵan kún ıeleri
ESІMDER
72 jyl buryn (1946-2016) akter, Qazaqstannyń eńbek sińirgen mádenıet qaıratkeri, kıno ártisi, Qazaqstannyń eńbek sińirgen ártisi, Qazaqstanda pantomımo ónerin qalyptastyrýshy ÓTEPBERGENOV Meńtaı Smaǵululy dúnıege keldi.
Máskeý tsırk ýchılışesin, Sergeı Gerasımov atyndaǵy Búkilreseılik memlekettik kınematografııa ınstıtýtyn bitirgen. 1974 jyldan bastap Sháken Aımanov atyndaǵy «Qazaqfılm» kınostýdııasynda eńbek etti. Akter 60-tan asa fılmge túsip, qytaı, chýkcha, býrıat, ıakýt, túrik, ózbek sekildi 16 ult ókiliniń beınesin somdaǵan. «Biz - eresekter», «Jaýshy», «Aq shaman», «Jeńimpaz», «Interdevochka», «Shanhaı», taǵy da basqa fılmderde oınaǵan. 40 jyldan asa ýaqyt boıy ár eldiń túrli markalaryn jınaýmen shuǵyldandy. Erlangen (Germanııa) qalasyndaǵy kınofılatelıster klýbynyń múshesi boldy. «Markalardaǵy álem kınosynyń tarıhy» atty kitaptyń avtory. Kitaptyń tusaýkeser rásimi Kann qalasyndaǵy 51-shi Halyqaralyq kınofestıvalinde ótti.
62 jyl buryn (1956) Qazaqstan Respýblıkasy Joǵarǵy sotynyń sýdıasy MAQULBEKOV Baǵlan Demesinulydúnıege keldi.
Almaty oblysy, Kóksý aýdany, Aqtekshe aýylynda týǵan. 1982 jyly S.M.Kırov atyndaǵy Qazaq memlekettik ýnıversıtetin zańger mamandyǵy boıynsha támamdaǵan. Zań ǵylymdarynyń kandıdaty.
Taldyqorǵan oblystyq sotynyń múshesi (1983-1986). Taldyqorǵan oblysy Taldyqorǵan aýdanynyń halyq sýdıasy (1986-1989). Taldyqorǵan oblystyq sot tóraǵasynyń orynbasary (1989-1994). Taldyqorǵan oblystyq ádilet basqarmasynyń bastyǵy (1994-1995). Taldyqorǵan oblystyq sotynyń tóraǵasy (1995-1997). Almaty oblystyq sotynyń sýdıasy (1997). Almaty oblystyq sotynyń azamattyq ister jónindegi alqa tóraǵasy (1997-2002). Almaty oblystyq sotynyń qylmystyq ister jónindegi alqa tóraǵasy (2002-2004). Shyǵys Qazaqstan oblystyq sotynyń tóraǵasy (2004-2009). Qostanaı oblystyq sotynyń tóraǵasy (2010-2012). 2012 jyldan qazirgi qyzmetinde.
«Qazaqstan Konstıtýtsııasyna 10 jyl», «Astananyń 10 jyldyǵy» merekeli medaldarymen, «Úsh bı» qurmet belgisimen marapattalǵan.
61 jyl buryn (1957) Qazaqstan Respýblıkasynyń Investıtsııalar jáne damý mınıstrligi Geologııa jáne jer qoınaýyn paıdalaný komıtetiniń tóraǵasy NADYRBAEV Aqbatyr Alýadınuly dúnıege keldi.
«Geologııalyq túsirý, paıdaly qazbalardyń ken oryndaryn izdeý men barlaý» mamandyǵy boıynsha V. I. Lenın atyndaǵy Qazaq polıtehnıkalyq ınstıtýtyn bitirgen.
Eńbek jolyn 1980 jyly bastaǵan, ekspedıtsııa geologynan bastap ortalyq memlekettik organ basshysynyń orynbasaryna deıin ósken.
1993 jyldan bastap Batys Qazaqstan aýmaqtyq geologııalyq basqarmasynyń bastyǵy, 1994 jyldan bastap Qarǵaly geologııalyq barlaý ekspedıtsııasynyń bastyǵy, «Aqtóbegeologııa» AQ dırektory, «Zertteý», 1996-1999 jyldary «Batysrýdgeologııa» AQ bas geolog bolyp jumys istedi.
1999-2008 jyldary «Batysqazjerqoınaýy» geologııa jáne jer qoınaýyn paıdalaný departamentiniń basshysy orynbasary bolyp jumys istedi.
2008-2012 jyldary Qazaqstan Respýblıkasynyń Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıtetiniń Batys Qazaqstan óńiraralyq «Batysqazjerqoınaýy» geologııa jáne jer qoınaýyn paıdalaný departamentiniń basshysy.
2012-2014 jyldary QR Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıtetiniń tóraǵasy orynbasary laýazymyna taǵaıyndaldy.
2014-2017 jyldary QR Investıtsııalar jáne damý mınıstrligi Geologııa jáne jer qoınaýyn paıdalaný komıteti tóraǵasynyń orynbasary boldy. Qazirgi qyzmetinde 2017 jyldyń maýsymynan beri.
55 jyl buryn (1963) QR Ulttyq banki tóraǵasynyń orynbasary ǴALIEVA Dına Tóleýbekqyzy dúnıege keldi.
Almaty halyq sharýashylyǵy ınstıtýtyn (1984) «Qarjy jáne nesıe» mamandyǵy boıynsha bitirgen.
1984 jyldan - Almaty qalalyq atqarý komıteti Dárihanalar basqarmasy Lenın aýdany Ortalyq dárihanasynyń aýdandyq ortalyq býhgalterııasynyń aǵa ekonomısi.
1988 jyldan - Almaty qalalyq «Farmatsııa» óndiristik birlestiginiń ekonomıkalyq-josparlaý bóliminiń esepshisi, aǵa ekonomısi, bastyǵynyń mindetin atqarýshy. 1992 jyldan - «Farmatsııa» memlekettik aktsıonerlik holdıngtik kompanııasynyń ekonomıkalyq máseleler jónindegi bas mamany, qarjylyq-josparlaý bóliminiń bastyǵy, ekonomıka bólimi bastyǵynyń orynbasary, baǵa belgileý jáne ekonomıkalyq boljaý bóliminiń bastyǵy. 1995 jyldan - QR Ulttyq banki býhgalterlik esep jáne bıýdjet departamentiniń bıýdjettik josparlaý basqarmasynyń bastyǵy; 1997 jyldan - bıýdjettik josparlaý jáne baqylaý basqarmasynyń bastyǵy; 2002 jyldan - qyzmetkerler quramymen Jumys departamentiniń dırektory. 2005 jyldan - «Qazaqstan halyq banki» JZQ» AQ basqarmasy tóraǵasynyń keńesshisi, tóraǵanyń birinshi orynbasary.
2009 jyldyń naýryzynan beri - QR Ulttyq banki tóraǵasynyń orynbasary.
52 jyl buryn (1966) QR Parlamenti Májilisiniń depýtaty, Qazaqstan Respýblıkasynyń eńbek sińirgen ártisi, Qazaqstan Respýblıkasy Memlekettik syılyǵynyń jáne «Daryn» Memlekettik jastar syılyǵynyń laýreaty, dotsent TІLEÝHAN Bekbolat Qanaıuly dúnıege keldi.
Qaraǵandy oblysynyń Jańaarqa aýdanynda týǵan. Qurmanǵazy atyndaǵy Almaty konservatorııasyn jáne aspırantýrasyn bitirgen. 1992-2001 jyldary - Almaty konservatorııasynyń oqytýshysy, dotsenti, kafedra meńgerýshisi. 1996-1997 jyldary - Respýblıkalyq gvardııa janyndaǵy Prezıdent orkestri folklorlyq ansambliniń jetekshisi. 1997-2001 jyldary - Prezıdent orkestriniń kórkemdik jetekshisi. 2001-2002 jyldary - Qazaqstan Respýblıkasy Mádenıet, aqparat jáne qoǵamdyq kelisim mınıstrligi Mádenıet komıtetiniń tóraǵasy. 2002-2003 jyldary - Qazaqstan Respýblıkasy Mádenıet jáne qoǵamdyq kelisim vıtse-mınıstri. 2003-2004 jyldary - Qazaqstan Respýblıkasy Mádenıet vıtse-mınıstri. 2004-2007 jyldary - «Nur Otan» partııasy tizimi boıynsha Qazaqstan Respýblıkasy Parlamenti Májilisiniń depýtaty. 2007-2011 jyldar aralyǵynda Qazaqstan Respýblıkasy Parlamenti Májilisiniń 4-shi shaqyrylymdaǵy depýtaty boldy. Ulttyq sport túrleri qaýymdastyǵynyń prezıdenti, 2016 jyldyń naýryzynan Qazaqstan Respýblıkasy Parlamenti Májilisiniń altynshy shaqyrylymdaǵy depýtaty. «Parasat» ordenimen marapattalǵan. QR «Daryn» memlekettik syılyǵynyń jáne QR Memlekettik syılyǵynyń laýreaty, «Táýelsizdik tolǵaýy» ІІ Respýblıkalyq konkýrsynyń «Aınalaıyn, Azatym!» shyǵarmasy úshin (Erik Asqarovpen birge) «Tańdaýly operalyq shyǵarma» atalymyndaǵy laýreaty. Halyq ánshiligi jáne oryndaý sheberligi problemalary boıynsha birneshe ǵylymı eńbekteri bar. Memleket basshysy N.Nazarbaevtyń sózderine jazylǵan ánder, kórkem fılmder mýzykasynyń avtory.
49 jyl buryn (1969) «Kazakh Tourizm» Ulttyq kompanııasy» AQ basqarma tóraǵasy KÚZEMBAEV Rashıd Talapuly dúnıege keldi.
Qaraǵandy oblysynda týǵan. M.V.Lomonosov atyndaǵy Máskeý memlekettik ýnıversıtetin bitirgen. 1992 jyldan - «Altyn Alma» kontserni» AQ qarjylyq josparlaý jáne ekonomıkalyq taldaý bóliminiń meńgerýshisi. 1993 jylǵy maýsymnan - QR Memlekettik múlik komıtetiniń bas mamany, 1993 jylǵy qazannan - QR Memlekettik jekeshelendirý qory taldaý bóliminiń bastyǵy. 1994 jyldan - «Komteh» ǴÓB dırektorynyń orynbasary. 1996 jyldan - «Dáren» BK JShS dırektorynyń orynbasary. 1997 jyldan - «Qazaqstan temir joly» RMK qarjy jáne býhgalterlik esep bas basqarmasy bastyǵynyń orynbasary, bastyǵy, bas dırektorldyń orynbasary, qarjy departamentiniń dırektory, bas dırektordyń keńesshisi, apparat jetekshisi. 2001 jyldan - QR Kólik jáne kommýnıkatsııa mınıstrliginiń apparat jetekshisi. 2002 jyldan - «Joǵarǵy ekonomıka mektebi» MM Menedjment joǵary mektebiniń tyńdaýshysy. 2005 jyldan - QR Saýda-ónerkásiptik palatasy odaǵynyń vıtse-prezıdenti. 2007-2017 jyldary QR Prezıdenti Іs basqarmasy Medıtsınalyq ortalyǵy bastyǵynyń orynbasary. Qazirgi qyzmetinde - 2017 jyldan beri.
37 jyl buryn (1980) Jambyl atyndaǵy Qazaq memlekettik fılarmonııasynyń ánshisi, Qurmanǵazy atyndaǵy Qazaq ulttyq konservatorııasynyń aǵa oqytýshysy QURMANAEV Ermek Málikuly dúnıege keldi. Almaty qalasynda týǵan. Gnesınder atyndaǵy Reseı mýzyka akademııasynyń orkestr aspaptary fakýltetin (2004) jeke oryndaýshy, oqytýshy; P.I.Chaıkovskıı atyndaǵy Máskeý memlekettik konservatorııasynyń aspırantýrasyn (2007) bitirgen. Qazaq, orys jáne aǵylshyn tilderin biledi. 2004 jyldan - Qurmanǵazy atyndaǵy Qazaq ulttyq konservatorııasynyń oqytýshysy, 2009 jyldan beri aǵa oqytýshysy. 2004 jyldan - Jambyl atyndaǵy Qazaq memlekettik fılarmonııasynyń solısi. Halyqaralyq konkýrstardyń laýreaty (Avstrııa, 1996; Polsha, 1998; Frantsııa, 2005; Reseı, 2009), QR Tuńǵysh Prezıdenti qory syılyǵynyń laýreaty (2006); Qazaqstannyń altyn vıoloncheli (2006).
43 jyl buryn (1975) amerıkalyq aktrısa jáne model, «Oskar» jáne «Zolotoı globýs» syılyqtarynyń ıegeri Sharlız TERON dúnıege keldi.