7 TAMYZ. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

7 tamyz, DÚISENBІ

Kot-d'Ivýar Respýblıkasynyń Ulttyq meıramy - Táýelsizdik kúni (1960). Kot-d'Ivýar - Batys Afrıkada ornalasqan memleket. Soltústiginde Malı, Býrkına-Fasomen, shyǵysynda Ganamen, batysynda Lıberııa, Gvıneıamen shektesedi. Ońtústigin Gvıneıa shyǵanaǵy alyp jatyr. El aýmaǵy ákimshilik jaǵynan 16 aımaqqa, al aımaqtar 50 departamentke bólinedi. Astanasy - ıAmýsýkro qalasy. Resmı tili - frantsýz tili, sonymen qatar akan, krý, voltek tilderi qoldanylady. Aqsha birligi - Batys Afrıka franki.

Orys aqyny jáne dramatýrgy, orys sımvolızminiń jarqyn ókilderiniń biri A.A.Blokty (1880-1921) eske alý kúni.

ESTE QALAR OQIǴALAR

17 jyl buryn (1995) Almaty Kıno úıinde «Abaı» atty fılmniń tusaýkeser rásimi ótip, oǵan Prezıdent N.Á.Nazarbaev qatysty. Muhtar Áýezovtyń roman-epopeıasy boıynsha túsirilgen epıkalyq drama qazaqtyń uly aqyny Abaıdyń 150 jyldyǵyna arnalǵan. Abaı rólinde Ǵabıden Turyqbaev, Qunanbaı rólinde Tuńǵyshbaı ál-Tarazı jáne t.b. akterler oınady. Stsenarıin Láılá Aqynjanova, Aleksandr Baranov jáne Serik Aprymov jazǵan.

14 jyl buryn (1998) Ankarada Abaı parkiniń ashylý saltanaty boldy.

13 jyl buryn (1999) Qazaqstan Respýblıkasysynyń «Qazaqstan Respýblıkasy Úkimeti men Belarýs Respýblıkasynyń Úkimeti arasynda taýar (jumys) eksporttaý jáne ımporttaý kezinde qosymsha  salyq salýdyń qaǵıdattaryn bekitý týraly», Qazaqstan Respýblıkasy men Halyqaralyq Damý banki arasyndaǵy «Qaryz týraly kelisimdi bekitý týraly» (kólik joldary salasyn qaıta jańartý jobasy), Qazaqstan Respýblıkasy men Halyqaralyq Damý banki arasyndaǵy «Qaryz týraly kelisimdi bekitý týraly» (densaýlyq saqtaý salasynyń jobasy), Qazaqstan Respýblıkasy men Halyqaralyq Damý banki arasyndaǵy «Qaryz týraly kelisimdi bekitý týraly» (quqyq reformasy jobasy) Zańdary jarııalandy.

7 jyl buryn (2005) Almatyda, Respýblıka saraıynda, Raıymbek batyrdyń 300-jyldyq mereıtoıyna arnalǵan respýblıkalyq aıtys óneriniń baıqaýy bolyp ótti.

Sharany uıymdastyrǵan «Jarylqap batyr» qoǵamdyq qory, «Aısel Qazaqstan» korporatsııasy, Almaty qalalyq mádenıet departamenti jáne Respýblıka saraıynyń ákimshiligi.

Atalmysh sharaǵa Astana, Almaty, Taraz, Shymkent, Túrkistan, Kókshetaý, Óskemen, Qaraǵandy, Aqtaý jáne Oral qalalarynyń sýyryp-salma aqyndary qatysty. Aqyn Tumanbaı Moldaǵalıev bastaǵan qazylar alqasynyń sheshimi boıynsha bas júldeni Semeıden kelgen Sara Toqtamysova qanjyǵasyna baılady. Birinshi oryndy Taldyqorǵannan kelgen Aıtaqyn Bulǵaqov jeńip aldy. Ekinshi oryndy qaraǵandylyq Amanjol Altaev, elordalyq aıtysker Dáýletkereı Kápuly jáne semeılik Rınat Zaıtov bólisti.

5 jyl buryn (2007) Memleket basshysy strategııalyq mańyzǵa ıe nysandarǵa memlekettik baqylaýdyń tıimdi tetikterin qurýǵa baǵyttalǵan «Qazaqstan Respýblıkasynyń keıbir zańnamalyq aktilerine memlekettiń ekonomıka salasyndaǵy múddelerin qamtamasyz etý máseleleri boıynsha ózgeris pen tolyqtyrýlar engizý týraly» Zańǵa qol qoıdy.

3 jyl buryn (2009) Pavlodarda «Bıbi-Ana» qoǵamdyq birlestigi pavlodarlyq bólimshesi músheleriniń óz qoldarymen jasaǵan buıymdarynyń kórmesi ashyldy.

Onda ádemi ulttyq kıimder, toqyma kóılekter men jaketter, quraq kórpesheler men sheberlerdiń qolynan shyqqan basqa da biregeı buıymdar qoıylǵan.

Pavlodarlyq «Bıbi-Ana» qoǵamdyq birlestigin 1999 jyly múgedek-áıelder qurǵan bolatyn. «Bıbi-Ana» músheleriniń qoldarynan shyqqan ulttyq kıimder halyqtyń úlken suranysyna ıe.

24 jyl buryn (1988) amerıkandyq Lınn Koks AQSh-tan Reseıge deıin júzip jetken tarıhtaǵy alǵashqy adam boldy.

Amerıkandyq sportshy Lınn Koks 6 gradýstyq sýda 2 saǵat 6 mınýt boldy. 4160 shaqyrymdy baǵyndyrdy. Ol Amerıkanyń Alıaska shtatyndaǵy Kishi Dıomıd aralynyń Berıng buǵazynan Reseıdiń Úlken Dıomıdine deıin júzip bardy.

172 jyl buryn (1840) Anglııada balalardy murja tazalaýshy retinde paıdalanýǵa tyıym salyndy.

154 jyl buryn (1858) aǵylshyn patshaıymy Vıktorııa Ottavany kanadanyń astanay retinde tańdap aldy.

124 jyl buryn (1988) Djek Potroshıteldiń moınyna ilingen alǵashqy qurban tabyldy. Patshaıym Vıktorııanyń úlken nemeresi hanzada Klarens negizgi kúdikti boldy. Biraq búgin onyń atyna taǵylǵan aıyptaýlar negizsiz bolyp tabylady.

105 jyl buryn ((1907) orys fızıgi B.Rozıng televızııalyq beıneni alý júıesin oılap shyǵarýǵa alǵashqy patentti aldy.

91 jyl buryn (1921) Kanadanyń qurǵaqshylyqqa tap bolǵan aýdandarynda jańbyrdy jasandy jolmen shaqyryp berýge ýáde etip, fermerlerden 3 myń dollardan aqsha jınap alǵan alaıaq Charlz Hetfıld AQSh-qa qashyp ketti.

 90 jyl buryn (1932) KSRO-da memlekettik jáne ujymdyq menshikti asa úlken kólemde urlaǵany úshin ólim jazasy taǵaıyndaldy - belgili «segiz-jeti jarlyǵy».

52 jyl buryn (1960) Fıdel Kastro Kýbadaǵy barlyq amerıkalyq kásiporyndardy memleket menshigine aınaldyratyny týraly jarııalady.

27 jyl buryn (1985) brıtandyq jýrnalıster Soltústik Irlandııadaǵy oqıǵalar týraly derekti fılmdi kórsetýden bas tartqany úshin Bı-Bı-Sı-ge qarsy birkúndik ereýil jasady.

22 jyl buryn (1990) Iraktyń Kýveıtke qarsy agressııasynyń saldarynan, BUU Irakqa qarsy ekonomıkalyq sanktsııalar engizdi.

19 jyl buryn (1933) Londondaǵy Býkıngem saraıynyń bir bóligi týrıster úshin ashyldy.

14 jyl buryn (1998) Kenııa men Tanzanııadaǵy AQSh elshilikterine qarsy lańkestik aktiler jasaldy. 250 adam ólip, 4 myńǵa jýyǵy jaralandy.

ESІMDER

89 jyl buryn (1923-1993) avıatsııa general-maıory, Keńes Odaǵynyń Batyry KARÝShIN Aleksandr Feodorovıch dúnıege keldi.

Petropavl qalasynda týǵan. Troıtsk áskerı avıatsııalyq ushqyshtar mektebin, Áskerı áýe akademııasyn bitirgen. 1941 jyly Qyzyl Armııa qataryna alynǵan. 1943 jyldyń naýryz aıynan Uly Otan soǵysy shebinde bolyp, urystarǵa qatysqan. Soǵystan keıin KSRO Qarýly kúshterinde áskerı qyzmetin jalǵastyrǵan.

«Lenın», 2 márte «Qyzyl Tý», «Aleksandr Nevskıı», «Otan soǵysy», «Qyzyl Juldyz» ordenderimen, medaldarmen marapattalǵan.

 103 jyl buryn (1909-1957) jazýshy, Jambyl shyǵarmalaryn tuńǵysh orys tiline aýdarýshylardyń biri KÝZNETsOV Pavel Nıkolaevıch dúnıege keldi.

Qalamger 1938-1941 jyldary aralyǵynda «Lıteratýra ı ıskýsstvo Kazahstana» jýrnalynyń redaktory boldy. Onyń «Som altyn», «Ertis jaǵasynda», «Maıdan lırıkasy», «Soldat dápteri», «Jol soqpaqtary», «Jol dápteri» óleńder jınaǵy, «Altaı taýlarynda», «Torǵaı dalasy», «Panfılovshylar» ocherkter, áńgimeler jınaǵy, «Almatydan Berlınge deıin», «Uly dostyq», «Tastaǵy gúl» povesteri jaryq kórdi. Kórkem aýdarma salasynda Jambyl Jabaevtyń revolıýtsııaǵa deıingi óleńderin, aıtystaryn, «Suranshy batyr», «Týǵan elim», «Meniń ómirim» poemalaryn orys tiline tárjimalady. Jambyldyń ómiri jaıly «Baqytyn tapqan adam» atty tarıhyn roman jazdy. Romanǵa Jambyl atyndaǵy respýblıkalyq syılyq berildi.

«Qyzy Tý», 1-shi dárejeli «Otan soǵysy», «Qyzyl juldyz», «Qurmet belgisi» ordenderimen, medaldarmen marapattalǵan.

 42 jyl buryn (1970) Astana qalasyndaǵy Eýrazııalyq Damý banki ókildiliginiń basshysy BAIDAÝLET Erlan Álimjanuly dúnıege keldi.

Almaty oblysynyń Talǵar qalasynda týǵan. Ál-Farabı atyndaǵy Qazaq ulttyq ýnıversıtetin, Qazaqstan menedjment, ekonomıka jáne boljaý ınstıtýtyn, Sankt-Gallen qalasyndaǵy (Shveıtsarııa) ýnıversıtetin bitirgen.

1993-1995 jyldary - Talǵar qalasy jáne Talǵar aýdany ákimshiligi basshysynyń komekshisi, «Alemsıstem» qarjy-ınvestıtsııalyq kompanııasy qarjy jobalaý basqarmasynyń bastyǵy. 1997-1998 jyldary - Shveıtsar-Qazaq ekonomıkalyq damý ortalyǵynyń ınvestıtsııa jónindegi vıtse-prezıdenti. 1998-2001 jyldary - (UNOPS registered) PROFIT INVEST Ltd kompanııasynyń aǵa keńesshi-partneri. 2001-2005 jyldary - Qazaqstan Respýblıkasynyń Astana qalasyndaǵy Islam damý bankiniń ýákili. 2005-2006 jyldary - «Injınırıng jáne transfert tehnologııasy ortalyǵy» aktsıonerlik qoǵamynyń prezıdenti qyzmetterin atqaraǵan. Qazirgi qyzmetinde - 2006 jyldan.

 91 jyl buryn (1921-1952) aqyn QALAÝOVA Zııash dúnıege keldi.

Ońtústik Qazaqstan oblysynda týǵan. Abaı atyndaǵy Qazaq pedagogıkalyq ınstıtýtyn (qazirgi Abaı atyndaǵy Qazaq ulttyq pedagogıkalyq ýnıversıteti) bitirip, Almaty oblysynyń Uıǵyr aýdanyndaǵy Aqsý orta mektebinde muǵalim bolǵan.

Alǵashqy óleńder jınaǵy 1941 jyly «Sholpan» degen atpen jaryqqa shyqqan. Sondaı-aq óleńderi men poemalarynyń úsh jınaǵy jaryq kórgen. Aqyn 1950 jyly beıbitshilikti jaqtaýshylardyń Máskeýde ótken Búkilodaqtyq II konferentsııasyna Qazaqstannan delegat bolyp qatysqan.

«Kavkaz shyńynda», «Beıbitshilikti súıemiz» óleńder jınaǵynyń avtory.

Ońtústik Qazaqstan oblysy Otyrar aýdanyndaǵy Sháýildir orta mektebine aqynnyń esimi berilgen.

66 jyl buryn (1946) akter, Qazaqstannyń eńbek sińirgen mádenıet qaıratkeri, kıno ártisi, Qazaqstannyń eńbek sińirgen ártisi, Qazaqstanda pantomımo ónerin qalyptastyrýshy ÓTEPBERGENOV Meńtaı Smaǵululy dúnıege keldi.

Máskeý tsırk ýchılışesin, Sergeı Gerasımov atyndaǵy Búkilreseılik memlekettik kınematografııa ınstıtýtyn bitirgen. 1974 jyldan bastap Sháken Aımanov atyndaǵy «Qazaqfılm» kınostýdııasynda eńbek etedi.

Akter 60-tan asa fılmge túsip, qytaı, chýkcha, býrıat, ıakýt, túrik, ózbek sekildi 16 ult ókiliniń beınesin somdaǵan. «Biz - eresekter», «Jaýshy», «Aq shaman», «Jeńimpaz», «Interdevochka», «Shanhaı», taǵy da basqa fılmderde oınaǵan.

40 jyldan asa ýaqyt boıy ár eldiń túrli markalaryn jınaýmen shuǵyldanady. Erlangen (Germanııa) qalasyndaǵy kınofılatelıster klýbynyń múshesi bolyp tabylady. «Markalardaǵy álem kınosynyń tarıhy» atty kitaptyń avtory. Kitaptyń tusaýkeser rásimi Kann qalasyndaǵy 51-shi Halyqaralyq kınofestıvalinde ótti.

56 jyl buryn (1956) Aqtóbe oblysy Alǵa sport mektebiniń dırektory, palýan, KSRO sport sheberi SAÝANAEV Qusman Musaǵalıuly dúnıege keldi.

Almaty dene tárbıesi ınstıtýtyn bitirgen. Aqtóbe balalar jáne jasóspirimder sport mektebiniń dırektory, Qajymuqan Muńaıtpasov atyndaǵy Almaty sport ýchılışesiniń jattyqtyrýshysy, Taldyqorǵan qalasyndaǵy balalar jáne jasóspirimder sport mektebiniń aǵa jattyqtyrýshysy bolǵan. 1998 jyldan beri Aqtóbe qalasyndaǵy «Jarylqasyn» sport klýbynyń aǵa jattyqtyrýshysy qyzmetin atqarýda. 1973-1974 jyldary «Spartak» sport qoǵamynyń quramynda respýblıkalyq jarystyń jeńimpazy atanyp, Pavlodarda ótken jarysta respýblıka chempıony atansa, 1977 jyly Qazaqstan kýbogynyń kúmis júldesin ıelengen. 1980 jyly Óskemen qalasynda ótken Qazaqstan birinshiliginiń chempıony ataǵyn utyp alyp, erkin kúresten ulttyq qurama sapyna alynǵan. 1981 jyldan bastap birneshe márte Azııa kýbogynyń jeńimpazy, 1994 jyly Qazaqstannyń 13 márte chempıony atanǵan. Ol jattyqtyrǵan sportshylardyń altaýy respýblıka chempıony bolǵan. Sondaı-aq 2004 jyly Grekııada ótken Olımpıada oıyndaryna qatysýshy sportshylardy jattyqtyrǵan. Qazirgi qyzmetinde 2010 jyldan bastap isteıdi.

45 jyl buryn (1966) Qazaqstan Respýblıkasy Parlamenti Májilisiniń 4-shaqyrylym depýtaty, Qazastan Respýblıkasynyń eńbek sińirgen ártisi, Qazaqstan Respýblıkasy Memlekettik syılyǵynyń jáne «Daryn» Memlekettik jastar syılyǵynyń laýreaty, dotsent TІLEÝHAN Bekbolat Qanaıuly dúnıege keldi.

Qaraǵandy oblysynyń Jańaarqa aýdanynda týǵan. Qurmanǵazy atyndaǵy Almaty konservatorııasyn jáne aspırantýrasyn bitirgen. 1992-2001 jyldary - Almaty konservatorııasynyń oqytýshysy, dotsenti, kafedra meńgerýshisi. 1996-1997 jyldary - Respýblıkalyq gvardııa janyndaǵy Prezıdent orkestri folklorlyq ansambliniń jetekshisi. 1997-2001 jyldary - Prezıdent orkestriniń kórkemdik jetekshisi. 2001-2002 jyldary - Qazaqstan Respýblıkasy Mádenıet, aqparat jáne qoǵamdyq kelisim mınıstrligi Mádenıet komıtetiniń tóraǵasy. 2002-2003 jyldary - Qazaqstan Respýblıkasy Mádenıet jáne qoǵamdyq kelisim vıtse-mınıstri. 2003-2004 jyldary - Qazaqstan Respýblıkasy Mádenıet vıtse-mınıstri. 2004-2007 jyldary - «NurOtan» halyqtyq demokratııalyq partııasy tizimi boıynsha Qazaqstan Respýblıkasy Parlamenti Májilisiniń depýtaty.

2007-2011 jyldar aralyǵynda Qazaqstan Respýblıkasy Parlamenti Májilisiniń 4-shaqyrylymdaǵy depýtaty boldy.

«Parasat» ordenimen marapattalǵan.

49 jyl buryn (1963) Qazaqstan Respýblıkasynyń Ulttyq Banki tóraǵasynyń orynbasary ǴALIEVA Dına Tóleýbekqyzy dúnıege keldi.

1963 jylǵy 07 tamyzda Jambyl oblysy Sholaq-Taý aýylynda dúnıege keldi, ulty - qazaq. 1984 jyly Almaty halyq sharýashylyǵy ınstıtýtyn qarjy jáne kredıt mamandyǵy boıynsha  bitirdi. 1984 jylǵy tamyz - 1988 jylǵy qarasha aralyǵynda Almaty qalalyq atqarý komıtetiniń Dárihana basqarmasynyń Lenın aýdandyq Ortalyq dárihanasynyń ortalyq aýdandyq býhgalterııasynyń aǵa ekonomısi bolyp jumys istedi. 1988 jylǵy qarasha - 1992 jylǵy naýryz aralyǵynda «Farmatsııa» Almaty qalalyq óndiristik birlestiginde býhgalter, aǵa ekonomıst, josparlaý-ekonomıkalyq bólimi bastyǵynyń mindetin atqarýshy bolyp jumys istedi. 1992 jylǵy naýryz - 1995 jylǵy shilde aralyǵynda «Farmatsııa» Memlekettik aktsıonerlik holdıng kompanııasynda ekonomıkalyq máseleler boıynsha bas maman, josparlaý-qarjylyq bóliminiń bastyǵy, ekonomıka bólimi bastyǵynyń orynbasary, baǵa belgileý jáne ekonomıkalyq boljaý bóliminiń bastyǵy qyzmetinde jumys istegen. 1995 jylǵy shilde - 1997 jylǵy mamyr aralyǵynda Qazaqstan Respýblıkasy Ulttyq Bankiniń Býhgalterlik esep jáne bıýdjet departamentiniń bıýdjetti josparlaý basqarmasynyń bastyǵy bolyp jumys istedi. 1997 jylǵy mamyr - 2002 jylǵy shilde aralyǵynda Qazaqstan Respýblıkasy Ulttyq Bankiniń  Bıýdjetti josparlaý jáne baqylaý  basqarmasynyń bastyǵy bolyp jumys istedi. 2002 jylǵy shilde -  2005 jylǵy shilde aralyǵynda Qazaqstan Respýblıkasy Ulttyq Bankiniń  Qyzmetkerlermen jumys júrgizý departamentiniń dırektory bolyp jumys istedi. 2005 jylǵy shilde -  2009 jylǵy naýryz aralyǵynda  «Qazaqstan Halyq Banki» JZQ» AQ» Basqarma Tóraǵasynyń keńesshisi, birinshi orynbasary bolyp jumys istedi.

2009 jylǵy 3 naýryzdan bastap Qazaqstan Respýblıkasy Prezıdentiniń ókimimen Qazaqstan Respýblıkasynyń Ulttyq Banki Tóraǵasynyń orynbasary qyzmetine taǵaıyndaldy.

Nagradalary: «Qazaqstan Respýblıkasynyń táýelsizdigine 10 jyl» mereıtoılyq  medali (2001 j.).

37 jyl buryn (1975) «Zeınetaqy tóleý jónindegi memlekettik ortalyq» RMQK bas dırektory HAMZIN Rústem Nazymbekuly dúnıege keldi.

1975 jyly Qaraǵandy oblysynyń Jezqazǵan qalasynda týǵan, qazaq, bilimi joǵary. 1996 jyly Qazaq Memlekettik Basqarý Akademııasyn «halyqaralyq ekonomıkalyq qatynastar» mamandyǵy boıynsha bitirgen, 2000 jyly Ádilet Joǵary quqyq mektebin «quqyqtaný» mamandyǵy boıynsha támamdap, 2005 jyly Saıası zertteýler magıstratýrasy Ulttyq ınstıtýtyn (Tokıo q.) bitirip «Memlekettik saıasat magıstri» dárejesin alǵan. Eńbek qyzmeti «Qazkommertsbank» AB Korporatıvtik qundy qaǵazdar jáne qor naryǵyn taldaý bóliminiń mamany (1996 j.); «Global Kazkommerts» AOZT Korporatıvtik qarjy bóliminiń, Zertteýler bóliminiń, Korporatıvtik qarjylandyrý bóliminiń qarjy taldaýshysy (1996-1997 j.j.); «Dostar Capital Markets» AAQ Tóraǵasy orynbasarynyń sarapshy-konsýltanty, Korporatıvtik qarjy jáne aktıvterdi basqarý departamenti Aktıvterdi basqarý bóliminiń bastyǵy (1997 j.); Qazaqstan Respýblıkasy Premer-Mınıstri Keńsesi Saraptama-taldaý bóliminiń, Memlekettik qyzmet, kadrlar jáne baqylaý bóliminiń konsýltanty (1997-1998 j.j.); Qazaqstan Respýblıkasy Premer-Mınıstri Keńsesiniń bas sarapshysy, Áleýmettik-ekonomıkalyq reformalar máseleleri bóliminiń, Áleýmettik-ekonomıkalyq- taldaý bóliminiń bas sarapshysy, Qazaqstan Respýblıkasy Prezıdenti Ákimshiligi Áleýmettik-ekonomıkalyq taldaý bóliminiń sektor meńgerýshisi (1998-2000 j.j.); Qazaqstan Respýblıkasy Eńbek jáne halyqty áleýmettik qorǵaý mınıstrligi Áleýmettik saıasat departamentiniń dırektory, (2000-2002 j.j.); «Kaspıı Banki» AAQ fılıaly dırektorynyń Birinshi orynbasary (2002 j.); Qazaqstan Respýblıkasy Ekonomıka jáne bıýdjettik josparlaý mınıstrligi Halyqaralyq qatynastar departamenti dırektorynyń mindetin atqarýshy, dırektory, Qazaqstan Respýblıkasy Ekonomıka jáne bıýdjettik josparlaý mınıstrliginiń Apparat basshysy (2002-2006 j.j.); Qazaqstan Respýblıkasy Prezıdenti Ákimshiligi Áleýmettik-ekonomıkalyq bóliminiń, Taldaý bólimi meńgerýshisiniń orynbasary, Qazaqstan Respýblıkasy Prezıdenti Ákimshiligi meńgerýshisiniń Birinshi orynbasary (2006-2007 j.j.); Qorshaǵan ortany qorǵaý mınıstrliginiń Jaýapty hatshysy (2007 -2009 j.j.); Qazaqstan Respýblıkasy Premer-Mınıstri Orynbasarynyń konsýltanty (2009-2010 j.j.). 2010 jylǵy 1 shildeden bastap «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Zeınetaqy tóleý jónindegi memlekettik ortalyǵy» RMQK bas dırektorynyń mindetin atqarýshy, 2010 jylǵy 16 tamyzdan ZTMO RMQK Bas dırektory.

Qazaqstan Respýblıkasy Prezıdentiniń Alǵyshatymen marapattalǵan (2001 j.).