7 tamyz Grýzııada qaraly kún bolyp jarııalandy

ASTANA. QazAqparat – Grýzııanyń Shovı kýrortynda bolǵan qaıǵyly jaǵdaıǵa baılanysty 7 tamyz elde qaraly kún bolyp jarııalandy, dep habarlaıdy QazAqparat «AZERTADJ» agenttigine silteme jasap.

Agenttik málimetinshe, bul týraly Grýzııanyń premer-mınıstri Iraklıı Garıbashvılı málim etken.

Aıta keteıik, Shovıdegi kóshkinnen 7 adam qaza tapty. Jer astynda qalǵan 30 adam áli izdestirilip jatyr. 140 adam, sonyń ishinde balalar evakýatsııalandy.

Buǵan deıin Grýzııanyń Racha bıik taýly aımaǵynda kóshkin júrip, «Sanset Shovı» qonaq úıiniń aýmaǵynan 70 adam qutqarylǵany habarlanǵan.