7 tamyz. Kazinform kúntizbesi. Tulǵalar týǵan kún

ESІMDER

60 jyl buryn (1966) — memleket jáne qoǵam qaıratkeri, Qazaqstannyń eńbek sińirgen ártisi, Dúnıejúzilik etnosport federatsııasynyń birinshi vıtse-prezıdenti Bekbolat Qanaıuly TІLEÝHAN dúnıege keldi.

Qaraǵandy oblysynyń Jańaarqa aýdanynda týǵan. Qurmanǵazy atyndaǵy Almaty konservatorııasyn jáne aspırantýrasyn bitirgen.

Eńbek joly: 1992-2001 jyldary Almaty konservatorııasynyń oqytýshysy, dotsenti, kafedra meńgerýshisi, 1996-1997 jyldary Respýblıkalyq gvardııa janyndaǵy Prezıdent orkestri folklorlyq ansambliniń jetekshisi, 1997-2001 jyldary Prezıdent orkestriniń kórkemdik jetekshisi, 2001-2002 jyldary QR Mádenıet, aqparat jáne qoǵamdyq kelisim mınıstrligi Mádenıet komıtetiniń tóraǵasy, 2002-2003 jyldary QR Mádenıet jáne qoǵamdyq kelisim vıtse-mınıstri, 2003-2004 jyldary QR Mádenıet vıtse-mınıstri, 2004-2007 jyldary «Nur Otan» partııasy tizimi boıynsha QR Parlamenti Májilisiniń depýtaty, 2007-2011 jyldary QR Parlamenti Májilisiniń tórtinshi shaqyrylymdaǵy depýtaty boldy. Ulttyq sport túrleri qaýymdastyǵynyń prezıdenti, 2016-2021 jyldary — QR Parlamenti Májilisiniń altynshy shaqyrylymdaǵy depýtaty, 2021 jyly QR Parlamenti Májilisiniń jetinshi shaqyrylymdaǵy depýtaty boldy.

2021 jyldyń jeltoqsanynan bastap qazirgi qyzmetinde.

«Parasat» ordenimen marapattalǵan. QR «Daryn» memlekettik syılyǵynyń jáne QR Memlekettik syılyǵynyń laýreaty.

54 jyl buryn (1972) saıasat qaıratkeri Olga Aleksandrovna BÝLAVKINA dúnıege keldi.

Shyǵys Qazaqstan oblysynda týǵan. 1994 jyly Shyǵys Qazaqstan memlekettik ýnıversıtetin orys tili jáne ádebıeti mamandyǵy boıynsha, 2000 jyly qarjy jáne nesıe mamandyǵy boıynsha támamdaǵan.

Eńbek joly: 1993-2000 jyldary mamandaǵy boıynsha túrli salalarda qyzmet atqarǵan. 2000-2001 jyldary «ShQO qorshaǵan ortany qorǵaý qory» MM bas mamany, 2002-2008 jyldary «Shemonaıha aýdany ákiminiń apparaty» MM jalpy, qarjy-sharýashylyq bóliminiń bas mamany, 20018-2012 jyldary «Shemonaıha aýdany ákiminiń apparaty» MM qarjy-sharýashylyq bóliminiń bastyǵy, 2012-2014 jyldary ShQO Shemonaıha aýdany ákiminiń orynbasary, 2014-2016 jyldary «Nur Otan» partııasy ShQO fılıaly tóraǵasynyń orynbasary, 2016-2019 jyldary — ShQO Óskemen qalasy ákiminiń orynbasary, 2019-2020 jyldary ShQO Borodýlıha aýdanynyń ákimi laýazymyn atqardy. 2020-2026 jyldary QR Parlamenti Senatynyń Shyǵys Qazaqstan oblysynan saılanǵan depýtaty boldy.

«Qurmet» ordenimen, medaldarmen marapattalǵan.

52 jyl buryn (1974) Aqtóbe oblysy polıtsııa departamenti bastyǵynyń birinshi orynbasary Serik Hasenuly ShALHAROV dúnıege keldi.

Túrkistan oblysynda týǵan. 2004 jyly Ońtústik Qazaqstan ashyq ýnıversıtetin «Quqyq qorǵaý qyzmeti» mamandyǵy boıynsha támamdaǵan.

Eńbek joly: 1996-2003 jyldary Ońtústik Qazaqstan oblysynyń ishki ister organdaryndaǵy qyzmetin qylmystyq izdestirý bóliminiń jedel ýákili laýazymynan bastady. Keıingi jyldary bopsalaýshylyqqa, uıymdasqan qylmysqa, tonaý men qaraqshylyqqa qarsy kúres bólimshelerinde jedel jáne basshylyq laýazymdardy atqaryp, Shymkent qalasynyń qylmystyq izdestirý jáne krımınaldyq polıtsııa bólimshelerin basqardy. 2004-2009 jyldary ishki ister organdary júıesinde basshylyq qyzmetter atqardy. Shymkent qalasynyń aýdandyq ishki ister basqarmalary bastyqtarynyń orynbasary jáne birinshi orynbasary, Ońtústik Qazaqstan oblysy ІІD Krımınaldyq polıtsııa basqarmasy bastyǵynyń orynbasary jáne bastyǵy, Túrkistan qalasy men Maqtaaral aýdany ishki ister basqarmalarynyń bastyǵy, Ońtústik Qazaqstan jáne Túrkistan oblystary ІІD Shtab basqarmasynyń bastyǵy qyzmetterin atqardy. 2009 jyldan bastap Qyzylorda, Almaty jáne Aqtóbe oblystarynyń ishki ister organdarynda basshylyq qyzmetter atqardy. Ár jyldary polıtsııa departamentteri bastyqtarynyń orynbasary jáne birinshi orynbasary, Aqtóbe oblysy Polıtsııa departamentiniń Krımınaldyq polıtsııa basqarmasynyń bastyǵy, sondaı-aq QR Іshki ister mınıstrligi Krımınaldyq polıtsııa departamenti bastyǵynyń orynbasary laýazymdaryn atqardy.2024-2026 jyldary Almaty oblysy Polıtsııa departamenti bastyǵynyń birinshi orynbasary laýazymyn atqarǵan.

Qazirgi qyzmetin 2026 jyldyń maýsymynan beri atqaryp keledi.

50 jyl buryn (1976) QR Qarýly Kúshteri Qurlyq áskerleri bas qolbasshysy Mereke Mátimuly KÚShІKBAEV dúnıege keldi.

Oral (qazirgi Batys Qazaqstan) oblysynda týǵan. 1997 jyly Almaty joǵary jalpy áskerı komandalyq ýchılışesin, 2007 jyly Qazaqstan Respýblıkasy Tuńǵysh Prezıdenti atyndaǵy ulttyq qorǵanys ýnıversıtetin, 2017 jyly Reseı Federatsııasy Qarýly kúshteri Bas shtabynyń áskerı akademııasyn támamdaǵan.

Eńbek joly: 2003-2005 jyldary 43053 áskerı bólimsheniń tank vzvodynyń, tank rotasynyń komandıri, shtab bastyǵy — tank batalony komandıriniń orynbasary, batalon komandıri; komandıri, 2005-2007 jyldary 32039 áskerı bólimshesiniń komandıri, 25744 áskerı bólimshesiniń shtab bastyǵy — komandırdiń birinshi orynbasary, 2007-2012 jyldary 10810 áskerı bólimshesiniń komandıri, 2012-2013 jyldary 25744 áskerı bólimshesiniń komandıri, 2013-2017 jyldary óńirlik qolbasshylyq áskerleri qolbasshysynyń orynbasary (jaýyngerlik daıarlyq boıynsha) — «Ońtústik» óńirlik qolbasshylyǵy áskerleri qolbasshysynyń basqarmasy jaýyngerlik daıarlyq basqarmasynyń bastyǵy, 2017 jyly Desanttyq-shabýyldaý áskerleri qolbasshysynyń orynbasary (jaýyngerlik daıarlyq boıynsha) — QR QK ÁQ desanttyq-shabýyldaý áskerleri qolbasshysynyń basqarmasy jaýyngerlik daıarlyq basqarmasynyń bastyǵy, 2017-2020 jyldary shtab bastyǵy — QR QK ÁQ desanttyq-shabýyldaý áskerleri qolbasshysynyń birinshi orynbasary, 2020-2021 jyldary «Astana» óńirlik qolbasshylyǵy áskerleriniń qolbasshysy. 2021-2022 jyldary QR Qarýly Kúshteri Qurlyq áskerleri Aero-desanttyq-shabýyldaýshy áskerleriniń qolbasshysy, 2023-2024 jyldary QR Qarýly Kúshteri Qurlyq áskerleri bas qolbasshysynyń birinshi orynbasary qyzmetinde boldy.

2024 jyldyń qarasha aıynan bastap qazirgi qyzmetinde.

50 jyl buryn (1976) Atyraý oblysy Kásipkerler palatasynyń dırektory Nurjan Maqsotuly ERMUHANOV dúnıege keldi.

Atyraýda týǵan. 1998 jyly H.Dosmuhamedov atyndaǵy Atyraý ýnıversıtetin, 2002 jyly Atyraý munaı jáne gaz ınstıtýtyn támamdaǵan.

Eńbek jolyn Atyraý qalasyndaǵy № 27 mekteptiń muǵalimi bolyp bastaǵan. Keıin Atyraý qalalyq ákimi apparatynda bas maman, Atyraý qalalyq turǵyn úı-kommýnaldyq sharýashylyǵy bóliminiń bas mamany, № 1 aýmaqtyq okrýg ákimi laýazymyn atqarǵan. Atyraý oblysy ákimdiginde munaı-gaz kesheniniń syrtqy ekonomıkalyq baılanystar jáne ınvestıtsııalyq saıasat basqarmasynyń bas mamany, jetekshi mamany bolyp jumys istegen.

Qazirgi qyzmetin 2026 jyldyń shildesinen beri atqaryp jatyr.

43 jyl buryn (1983) Qazaqstan Respýblıkasynyń Malaızııadaǵy Tótenshe jáne Ókiletti Elshisi (2021 jyldan), Qazaqstan Respýblıkasynyń Brýneı-Darýsssalamdaǵy Tótenshe jáne Ókiletti Elshisi (2022 jyldan) Bolat Bolatuly SÚGІRBAEV dúnıege keldi.

Tselınograd (qazirgi Astana) qalasynda týǵan. 2005 jyly L. N. Gýmılev atyndaǵy Eýrazııa ulttyq ýnıversıtetiniń Halyqaralyq qatynastar ınstıtýtyn eltaný mamandyǵy boıynsha támamdaǵan.

Eńbek joly: 2005-2008 jyldary QR SІM Azııa jáne Afrıka departamentiniń úshinshi hatshysy, attashesi, 2008-20012 jyldary Sıngapýrdaǵy Qazaqstan elshiliginiń úshinshi, ekinshi, birinshi hatshysy, 2012-2015 jyldary QR SІM Halyqaralyq komıtetindegi qyzmette boldy. 2015-2021 jyldary QR SІM Amerıka departamentiniń jetekshisi laýazymyn atqarǵan.

2021 jyldyń aqpanynan bastap qazirgi qyzmetinde.

2015 jyly «Kásipodaqtarǵa sińirgen eńbegi úshin», 2016 jyly «Qazaqstan Respýblıkasynyń táýelsizdigine 25 jyl», 2017 jyly «QR dıplomatııalyq qyzmetine 25 jyl», 2020 jyly «Qazaqstan Konstıtýtsııasyna 25 jyl» medaldarymen marapattalǵan.