7-synyptan bastap jańa pán engizilýi múmkin

ASTANA. KAZINFORM – Qazaqstanda mektep oqýshylaryna 7-synyptan bastap jańa pán qosylýy múmkin. Bul týraly Jibek joly telearnasynyń jańalyqtar qyzmetinde aıtty. 

Bul usynysty Bas prokýror Berik Asylov aıtty.

— Mektepterde 7-synyptan bastap «Zań jáne Tártip» atty mindetti pán engizý kerek. Bul jasóspirimder arasyndaǵy qylmys sanyn azaıtýǵa septigin tıgizedi. Sebebi naǵyz qaýip — quqyqtyq saýatsyzdyqtan bastalady. Bul pándi qyzmettegi zańgerler men quqyq qorǵaý organdarynyń ardagerleri júrgizýi tıis. Óıtkeni olar tek bilimdi ǵana emes, ómirlik tájirıbesimen de bólise alady, — dedi Bas prokýror Berik Asylov. 

Atalǵan máseleni Ulttyq quryltaıdyń IV otyrysynda Memleket basshysy da kótergen bolatyn.

— Jasóspirim zańnyń mánin túsingende tártipsizdikke barmaýǵa tyrysady. Olar alǵan bilimin tek synyptastarymen ǵana emes, otbasymen, kórshilerimen de bólisse deımiz. Mundaı sabaqtardyń sanaly, jaýapty, zań men tártipke qurmetpen qaraıtyn jas urpaqty tárbıeleýge kómektesetinine senimdimiz, — dedi ol.

Aıta ketelik «Zań jáne tártip» qaǵıdaty jalpyulttyq qundylyqtar qataryna endi.