7 shildege arnalǵan aýa raıy: Toǵyz óńirde aptap ystyq bolady
NUR-SULTAN. QazAqparat - Sınoptıkter 7 shilde kúngi aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Atmosferalyq aǵymdardyń ótýine baılanysty respýblıkanyń basym bóliginde turaqsyz aýa raıy saqtalady. Jańbyr jaýyp, naızaǵaı oınaıdy. Jel kúsheıedi. Burshaq jaýady. Daýyl turady. Elimizdiń ońtústik jáne batys bóliginde aýa raıy jaýyn-shashynsyz, kún ashyq bolady.
Aqmola, Soltústik Qazaqstan oblystarynda keı jerlerde jel jyldamdyǵy - 15-20 m/s. Túnde naızaǵaı oınap, daýyl, burshaq kútiledi.
Pavlodar oblysynda túnde keı jerlerde naızaǵaı kútiledi, jel ekpini - 18 m/s.
Qaraǵandy oblysynda keı jerlerde jeldiń kúshi 15-20 m/s jetedi. Kúndiz naızaǵaı oınap, daýyl turady.
Shyǵys Qazaqstan oblysynda tańerteń jáne kúndiz keı jerlerde naızaǵaı kútiledi, jel ekpini - 15-20 m/s.
Qostanaı oblysynda túnde keı jerlerde tuman kútiledi, kúndiz jel 18 m/s deıin kúsheıedi.
Mańǵystaý oblysynyń keı jerlerinde naızaǵaı jarqyldaıdy.
Kúndiz Batys Qazaqstan oblysynyń keı jerlerinde kún kúrkireıdi, jel qarqyny - 15-20 m/s.
Qyzylorda oblysynda keı jerlerde jel 15-20 m/s jetedi. Tańerteń jáne kúndiz naızaǵaı oınap, daýyl turady.
Almaty oblysynyń taýly jáne taý bókterindegi aýdandarynda kún kúrkireıdi.
Almaty, Jambyl, Qyzylorda, Mańǵystaý, Atyraý, Túrkistan, Aqtóbe, Qaraǵandy, Shyǵys Qazaqstan oblystarynda kúndiz aptap ystyq bolady.
Qyzylorda, Atyraý, Aqtóbe, Qaraǵandy, Túrkistan, Jambyl, Almaty oblystarynyń keı jerlerinde joǵary órt qaýpi saqtalady.
