7 shildede bastap Almaty oblysynda karantın kúsheıtiledi

TALDYQORǴAN. QazAqparat - Almaty oblysynda koronavırýsqa baılanysty jańa qaýly shyqty. Bul qaýly 7 shildede bastap kúshine enedi, dep habarlaıdy QazAqparat tilshisi.

«Oıyn-saýyq, buqaralyq merekelik is-sharalardy, kórmelerdi, konferentsııalardy, forýmdardy, korporatıvterdi, otbasylyq is-sharalardy (eske alý, banketter, úılený toılary, mereıtoılar, aýyzashar), onyń ishinde úıde jáne adamdar kóp jınalatyn ózge de is-sharalardy uıymdastyrýǵa jáne ótkizýge tyıym salynsyn»,- delingen

Almaty oblysynyń Bas memlekettik sanıtarııalyq dárigeri Erǵalı Sydymanovtyń búgin shyqqan N13 qaýlysynda.

Sondaı-aq, qaýlyda býkmekerlik keńseleriniń qyzmetine tyıym salynǵan.

«Qoǵamdyq kólikterde, taksılerde, áýejaılarda, aýladaǵy balalar alańdaryna, azyq-túlik jáne azyq-túlik emes bazarlar men basqa da qoǵamdyq oryndarda sanıtarııalyq jáne dezınfektsııalyq óńdeýdi júrgizý, qoǵamdyq kólik aıaldamalaryna kúnine keminde eki ret, qoǵamdyq kólikke árbir reıs aldynda jýý jáne dezınfektsııalaý quraldaryn qoldana otyryp óńdeýdi júrgizý mendetteldi»,- delingen jańadan shyqqan qaýlyda.