7 shilde. Tulǵalar týǵan kún

ASTANA. QazAqparat – Búgin, 7 shilde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

40 jyl buryn (1983) Qazaqstan Respýblıkasy Syrtqy ister mınıstrliginiń Kommýnıkatsııalar departamentiniń dırektory Aıbek SMADIıAROV dúnıege kelgen.

Abylaı han atyndaǵy Qazaq halyqaralyq qatynastar jáne álem tilderi ýnıversıtetin úzdik bitirgen.

Ár jyldary SІM-niń ortalyq apparatynda, Qazaqstannyń Majarstandaǵy Elshiliginde jáne QR Prezıdentiniń baspasóz qyzmetinde ártúrli laýazymda qyzmet atqardy. QR Syrtqy ister mınıstrliginde Syrtqy saıası analız jáne boljamdar komıtetiniń birinshi hatshysy (2013-2014); Qazaqstannyń Vetnamdaǵy Elshiliginde ekinshi jáne birinshi hatshy (2014-2018); QR SІM Halyqaralyq aqparat komıteti baspasóz basqarmasynyń basshysy (2018-2019) boldy. 2019 jyldan QR Syrtqy ister mınıstrliginiń baspasóz hatshysy, Halyqaralyq aqparat komıteti tóraǵasynyń orynbasary.

Qazirgi qyzmetin 2023 jyldyń maýsym aıynan beri atqaryp keledi.

40 jyl buryn (1983) QR Prezıdenti is basqarmasynyń «Materıaldyq-tehnıkalyq qamtamasyz etý basqaramasy» memlekettik mekemesiniń basshysy Álıhan Qaıyrgeldiuly JAMSATOV dúnıege keldi.

Pavlodar oblysynda týǵan. 2004 jyly Qazaq memlekettik zań akademııasyn «quqyqtaný» mamandyǵy boıynsha, 2012 jyly S.Toraıǵyrov atyndaǵy Pavlodar memlekettik ýnıversıtetin «qurylys» mamandyǵy boıynsha, 2014 jyly L.Gýmılev atyndaǵy Eýrazııa ulttyq ýnıversıtetin «saıasattaný» mamandyǵy boıynsha támamdaǵan.

Eńbek joly: 2004-2005 jyldary – Pavlodar qalasyndaǵy «Energotsentr» AQ zań keńesshisi. 2005-2006 jyldary – Pavlodar oblysy Aqsý qalasy ákimi apparaty bas mamanynyń m.a., bas mamany, zańgeri. 2006-2008 jyldary – Pavlodar oblysy Qarjy departamentiniń bas mamany, Kásipkerlik jáne ónerkásip departamenti bóliminiń bastyǵy. 2008 jyly Semeı qalasyndaǵy «Group of Financial Analytics» JShS dırektorynyń orynbasary, «Ertis» áleýmettik-kásipkerlik korporatsııasy ulttyq kompanııasy» AQ Pavlodar oblysy boıynsha menedjeri boldy.

2008-2012 jyldary – Qazaqstan Respýblıkasy Parlamenti Sharýashylyq basqarmasy bas sarapshysynyń m.a., bas sarapshysy, basqarma basshysy. 2012-2014 jyldary – Qazaqstan Respýblıkasy Memlekettik qyzmet isteri agenttigi bólim meńgerýshisiniń orynbasary, bólim meńgerýshisi. 2014-2015 jyldary – Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi departamenti basshysynyń orynbasary. 2015-2019 jyldary – Qazaqstan Respýblıkasy Parlamenti Sharýashylyq basqarmasy («Materıaldyq-tehnıkalyq qamtamasyz etý basqarmasy» MM) basshysynyń orynbasary. 2019-2022 jyldary – Qazaqstan Respýblıkasy Prezıdenti Іs Basqarmasy resmı is-sharalar jáne syrtqy baılanystar bóliminiń meńgerýshisi.

Qazirgi qyzmetinde 2022 jyldyń sáýir aıynan bastap.

«Eren eńbegi úshin» medalimen jáne «Qazaqstan Respýblıkasynyń Táýelsizdigine 20 jyl» mereıtoılyq medalimen marapattalǵan.