7-shi Qysqy Azııa oıyndarynyń Alaý estafetasyna alaýgerlerdi irikteý bastaldy - S.Quranbek
ASTANA. Tamyzdyń 5-i. QazAqparat /Gúlmıra Álıakparova/ - Qazaqstannyń barlyq óńirinde 7-shi Qysqy Azııa oıyndarynyń Alaý estafetasyna qatysýshy alaý alyp júrýshilerdi irikteý bastaldy.
Bul týraly QazAqparat tilshilerine bergen suhbatynda Azııa oıyndary Alaý estafetasy dırektsııasy basshysynyń orynbasary Sársen Quranbek aıtty.
S.Quranbektiń aıtýynsha, Qazir Azııa oıyndarynyń Alaý estafetasy ótetin barlyq aımaqtarda uıymdastyrý dırektsııalary qurylyp, alaý alyp júrýshilerdi irikteý jumystary bastaldy.
Alaý estafetasyn ótkizýdegi basty maqsat - buqaralyq, onyń ishinde balalar men jasóspirimder arasynda sportty nasıhattaý bolǵandyqtan, irikteýdegi jas erekshelik 14 jasqa deıin túsirildi. ıAǵnı 14 jastaǵy balalar men qoǵamǵa, memleketke eńbegi sińgen kez-kelgen azamat, óziniń ótinimin oblys ákimderi basqarǵan óńirlik komıssııalarǵa joldaı alady.
Jergilikti deńgeıde irikteý qazan aıynyń 1-inde aıaqtalady. Qazannyń 1-i men jeltoqsannyń 1-i aralyǵynda 7-shi Qysqy Azııa oıyndaryn Uıymdastyrý komıteti tóraǵasynyń orynbasary, QR Týrızm jáne sport mınıstri Temirhan Dosmuhambetovtyń tóraǵalyǵymen ótetin keńeste tizim tolyqtaı bekitiledi.
Alaý estafetasyna qatysýǵa 14 oblys pen Almaty qalasynan - 60, Astana qalasynan - 100 adam tańdap alynady. Respýblıka boıynsha barlyq sany - 1 myńǵa jýyq. Árbir alaýger 200 metr qashyqtyqty júgirip ótýi tıis. Estafetanyń jalpy qashyqtyǵy 15 myń shaqyrymnan astam. Olarǵa arnaıy avtokolonna ilesip júretin bolady. Azııa oıyndary jáne Qazaqstan tarıhynda alǵash bolǵaly otyrǵan bul oqıǵa jer-jerlerde tikeleı efır arqyly kórsetiletin bolady.
