7-shi qysqy Azııa oıyndary alaý estafetasynyń Almaty boıynsha ótetin baǵyty belgili boldy
ALMATY. 14 jeltoqsan. QazAqparat /Ádilet Musahaev/- Almaty qalasynyń ákimi Ahmetjan Esimov 2011 jylǵy 7-shi qysqy Azııa oıyndary alaý estafetasynyń Almaty boıynsha ótetin baǵytyn maquldady.
Qysqy Azııa oıyndarynyń kıeli alaýy Kýveıtten 2011 jyldyń 12-qańtarynda qazaq jerine kelip, Almaty qalasynan bastaý alǵan estafeta respýblıkanyń barlyq qalalaryn aralap shyǵady.
Estafeta qalanyń barlyq basty kóshelerin basyp ótip, alaý ońtústik astananyń mańyzdy buryshtaryn jarqyrata túspek.
Alaý estafetasy halyqaralyq shańǵymen tuǵyrdan sekirý kesheninen bastaý alyp, Astana alańynda márege jetedi. Estafeta baǵyty ál-Farabı dańǵylynan bastap Fýrmanov, Sátbaev, Baıtursynov kóshelerimen jalǵasyp, Abaı dańǵylynan Dostyq, Shevchenko, Qonaev, Qabanbaı, Abylaıhan dańǵyldaryn basyp ótedi. Baǵyttyń jalpy uzaqtyǵy 11,7 shaqyrymǵa jalǵasyp, alaý janǵan 80 shyraǵdan alyp ótilmek.
2011 jylǵy 7-Qysqy Azııa oıyndarynyń Almatydaǵy dırektsııasynyń dırektory Sultanbek Syzdyqovtyń aıtýynsha, estfeta baǵytyn jasaýda qalanyń tarıhı nazar aýdararalyq tustary men Azıada barysynda salynǵan jańa keshenderdi kórsetý qamtylǵan.
Alaý 20 kún aralyǵynda Qazaqstannyń 16 qalasyn aralap, qańtardyń 30-y kúni Astanadaǵy «Astana-Arena» fýtbol stadıonyndaǵy qysqy Azııa oıyndarynyń saltanatty ashylý rásimine ákelinedi.
