7-shi qysqy Azıadanyń ánuranyna baıqaý jarııalandy
ALMATY. Tamyzdyń 24-i. QazAqparat /Erbol Turymbetov/ - Búgin Almatyda 7-shi qysqy Azııa oıyndarynyń resmı ánuranynyń mátini men ánin jazýǵa baıqaý jarııalandy, dep habarlaıdy QazAqparat.
Ony «2011 jylǵy 7-shi qysqy Azııa oıyndaryn uıymdastyrý komıtetiniń atqarýshy dırektsııasy» AQ ókilderi men Qazaqstannyń mádenıet, óner jáne mýzyka salasyndaǵy jetekshi mamandary birlesip uıymdastyryp otyr.
Baıqaýdyń seriktesteri - Astana men Almaty qalalary ákimdikteri, GSM Qazaqstan/Kcell mobıldi baılanys operatory, «Qazaqstan» RTRK jáne «Mıras Sport» qoǵamdyq qory.
«Ánurannyń ózindik ulttyq erekshelikteri bolǵanyn qalaımyz. Sebebi, ol basqa ánurandardan erekshelenip turýy kerek. Biz Qazaqstannyń án oryndaýshylaryn, kompozıtorlaryn jáne basqa da azamattaryn osy bastamany qoldaýǵa jáne baıqaýǵa qatysýǵa shaqyramyz. 7-shi qysqy Azııa oıyndary ánuranynyń avtorlary álemdik sport tarıhynda qalady, ári Qazaqstannyń qazirgi tarıhyna aıtarlyqtaı úles qosady», dedi «2011 jylǵy 7-qysqy Azııa oıyndaryn uıymdastyrý komıtetiniń atqarýshy dırektsııasy» AQ vıtse-prezıdenti Evgenıı Nıkıtınskıı.
Baıqaý eki kezeńnen turady: irikteý jáne sheshýshi kezeńder. Alǵashqy kezeńde baıqaýǵa jumystardy qabyldaý 24-shi tamyzdan qazannyń 1-ine deıin júrgiziledi. Al sheshýshi kezeńde jumystar qaralady jáne ashyq daýys berý arqyly jeńimpazdar qazannyń 1-6-sy aralyǵynda anyqtalady.
