7-shi qysqy Azıada oıyndaryn ótkizýge jáne sport nysandarynyń qurylysyn aıaqtaýǵa 31,6 mıllıard teńge bólinedi - Qarjy mınıstri
ASTANA. Qyrkúıektiń 8-i. QazAqparat /Marlan Jıembaı/ - 2011 jyly elimizde ótetin 7-shi qysqy Azıada oıyndaryn ótkizýge jáne sport nysandarynyń qurylysyn aıaqtaýǵa qosymsha 31,6 mıllıard teńge bólinedi.
Bul týraly búgin Úkimet otyrysynda «2010-2012 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýlar engizý týraly» zań jobasyn tanystyrǵan Qarjy mınıstri Bolat Jámishev aıtty.
Onyń atap ótýinshe, atalǵan qarjynyń 7,7 mıllıard teńgesi konkı stadıonynyń, al 1,3 mıllıardy shańǵy tramplınderi kesheniniń qurylysyn aıaqtaýǵa baǵyttalmaq. Sonymen qatar Almatydaǵy Balýan Sholaq atyndaǵy sport saraıyn jóndeýge 6,5 mıllıard teńge bólinedi. Al sporttyq oıyndardy telearna jáne radıo arqyly taratýdy qamtamasyz etýge el qorjynan 4,7 mıllıard teńge bólý kózdelip otyr.
