7 sáýirde elimizde bolatyn mańyzdy is-sharalarǵa sholý
ASTANA. QazAqparat - «QazAqparat» halyqaralyq aqparat agenttigi 7 sáýirde bolatyn mańyzdy sharalarǵa sholýdy usynady.
ALMATY
Saǵat 09:30-da «Nur Otan» partııasy Alataý aýdandyq fılıaly aýmaǵynda Naýryz merekesine arnalǵan shara ótedi. Osy oraıda qala turǵyndary úshin túrli konkýrstar uıymdastyrylyp, jeńimpazdarǵa arnaıy marapattar daıyndalǵan.
Saǵat 11:00 kezinde «Mega Tsentr» saýda oıyn-saýyq ortalyǵynda «Ata óneri - urpaqqa mura» festıvali, sonymen qatar fotokórme, qolóner sheberleriniń jármeńkesi ótedi.
JAMBYL OBLYSY
Saǵat 10:00-de Jambyl medıtsınalyq kolledjinde Dúnıejúzilik densaýlyq kúnine arnalǵan «Men salaýatty ómir saltyn qoldaımyn» atty sporttyq shara bastalady.
Budan bólek, Jambyl oblystyq tarıhı-ólketaný mýzeıinde saǵat 10:00 kezinde óńirdegi sýretshilerdiń úlken kórmesi ótedi.
ShYǴYS QAZAQSTAN OBLYSY
Saǵat 09:00-de Óskemendegi«Fresh Market» saýda-logıstıkalyq ortalyǵynda Shemonaıha aýdanynyń aýyl sharýashylyǵy jármeńkesi bastalady.
Sonymen qatar osy ýaqytta Semeıdegi Borodýlıha aýdanynyń aýylsharýashylyq taýaryn óndirýshileriniń qatysýymen «Severnyı» logıstıkalyq saýda ortalyǵynda jármeńkesi ótedi
Saǵat 10:00-de Óskemendegi № 47 mektepte «Bilimge jol» respýblıklyq zııatkerlik marafony bastalady.
Saǵat 14:00 kezinde Semeıde Nevzorovtar otbasy atyndaǵy beıneleý óner mýzeıinde «Qazaq ulttyq qolóneri merekesi» festıvali ashylady. Onyń aıasynda sheberlik sabaqtary, halyq mýzykasy kontserti, óńirlik kórme qamtylady.
QOSTANAI OBLYSY
Saǵat 13:00-de oblystyq fılarmonııa ǵımaratynda oblys ákimi Arhımed Muhambetovtyń qatysýymen Metsenattar klýby syılyǵyn tapsyrý rásimi ótedi.
AQTÓBE OBLYSY
Saǵat 10:00-de Ortalyq alań men «Altaı» bazary aldynda aýyl sharýashylyǵy jármekeleri bastalady.
Saǵat 10:00 kezinde «Nur Otan» partııasy ǵımaratynyń aldynda «Serpin» kórme-jármeńkesi ótedi. Onda QR ІІM Qylmystyq atqarý júıesi komıtetiniń «Eńbek Aqtóbe» memlekettik mekemesi óz taýarlaryn usynady. «Serpin» kórmesine oblys ákimi Berdibek Saparbaev qatysady.
7-8 sáýirde saǵat 11:00-den 18:00-ge deıin aqtóbelik sýretshiler «Sýretshi portreti» art-aktsııasyn ótkizedi.
