7 óńirde úsik júredi - Qazgıdromet
NUR-SULTAN. QazAqparat - Atmosferalyq aǵyndardyń ótýine baılanysty 21 mamyr kúni jańbyr kútiledi. Tek batysta jáne jáne ońtústik-batysta kún raıy ashyq bolady. Keı jerlerde jel kúsheıip, naızaǵaı, tuman, daýyl kútiledi, burshaq jaýýy múmkin, dep habarlaıdy QazAqparat.
«Qazgıdromet» RMK málimetinshe, Aqmola, Soltústik Qazaqstan, Qostanaı oblystarynyń keı jerlerinde tuman kútiledi, naızaǵaı oınap, burshaq jaýýy múmkin. Aqmola, Qostanaı oblystarynda, kúndiz Soltústik Qazaqstan oblysynyń keı jerlerinde jel 15-20 m/s kúsheıedi.
Shyǵys Qazaqstan, Túrkistan oblystarynyń keı jerlerinde naızaǵaı, tuman 15-20 m/s ekpindegi jel boljanady.
Qaraǵandy oblysynyń keı jerlerinde naızaǵaı, tuman kútiledi, jel 15-20 m/s kúsheıedi.
Qyzylorda oblysynda túnde, Jambyl oblysynda kúndiz keı jerlerinde naızaǵaı oınap, kúndiz jeldiń kúshi 23-28 m/s artýy múmkin.
Jambyl oblysynyń keı jerlerinde burshaq jaýýy yqtımal.
Mańǵystaý, Pavlodar oblystarynda, kúndiz Almaty, Atyraý oblystarynyń keı jerlerinde jel 15-20 m/s kúsheıedi. Almaty oblysynda naızaǵaı kútiledi.
Túnde Aqmola, Soltústik Qazaqstan, Pavlodar oblystarynyń keı jerlerinde 1-6 gradýsqa deıin, Qostanaı jáne Qaraǵandy oblystarynda -3 gradýsqa, Aqtóbe oblysynda -1 gradýsqa deıin sýytady. Batys Qazaqstan oblysynda topyraq betinde -1 gradýs úsik júredi.
Qyzylorda, Túrkistan, Almaty oblystarynyń keı jerlerinde óte joǵary órt qaýpi saqtalady.
