7 oblysta mektep bitirýshi qyzdar arasynda «Y.Altynsarın -2016» respýblıkalyq olımpıadasy ótedi

 Bilim dodasy 26 aqpanda bastalady.

Baǵyn synap kóremin deýshi 11-synyp túlekterine jaqsy múmkindik beretin bilim saıysy oqý ornynyń basshysy Dınar Nóketaevanyń bastamasymen osymen besinshi jyl qatarynan uıymdastyrylyp otyr.

Olımpıadanyń biregeı ereksheligi  oǵan tek qana qyz balalar qatysady.

«Olımpıadanyń basty maqsaty  mektep bitirýshilerge mamandyq tańdaýǵa kómektesý, daryndy oqýshylardy aıqyndaý, jastar arasynda irgeli ǵylymı bilimdi damytý, bilimdi jastardyń óz qabiletterin júzege asyrýyna kómektesý, daryndy talapker qyzdardy Qazaq memlekettik qyzdar pedagogıkalyq ýnıversıtetine shaqyrý bolyp tabylady», - delingen habarlamada.

Bıyl da olımpıada segiz pán boıynsha: qazaq tili men ádebıeti, orys tili men ádebıeti, aǵylshyn tili, fızıka, bıologııa, geografııa, dúnıejúzi tarıhy, hımııa pánderi boıynsha ótkiziledi.

Olımpıada oblystyq bilim basqarmalarymen, aýdandyq bilim bólimderimen belgilengen aımaqtarǵa birlese otyryp ótkizilmek. Olımpıada atap aıtqanda, Almaty oblysy boıynsha Almatyda, Taldyqorǵanda, Jarkent qalasy men Raıymbek aýdanynyń Kegen aýylynda; Jambyl oblysy boıynsha Taraz qalasy men Qordaı aýdanynda; Ońtústik Qazaqstan oblysynyń Shymkent jáne Túrkistan qalalarynda; Qyzylorda oblysy boıynsha Qazaly, Jańaqorǵan, Qarmaqshy aýdandarynda, Qyzylorda qalasynda; Shyǵys Qazaqstan oblysy boıynsha Semeı jáne Óskemen qalalarynda; Qaraǵandy oblysy boıynsha Qaraǵandy qalasynda; Batys Qazaqstan oblysy boıynsha Oral men Atyraý qalalarynda ótedi. Qazirgi ýaqytta olımpıadaǵa qatysýǵa tilik bildirýshi oqýshylardy tirkeý jalǵasýda.

Aıta keteıik, nıet bildirýshiler QazMemQyzPÝ saıtynda tirkele alady jáne olımpıada týraly tolyq maǵlumatpen Qyzdar ýnıversıtetiniń saıtynan tanysa alady (www.kazmkpu.kz).

Jeńimpazdar men júldegerler naýryz aıynda anyqtalyp, marapattalady. Olımpıadanyń ár páninen 1, 2, 3 oryndy ıelengen oqýshy tańdaǵan páni mamandyǵyna saı kelgen jáne UBT-ǵa qajetti ótý balyn alǵan jaǵdaıda shákirtaqysyz ýnıversıtet Rektorynyń grantyna ıe bolady. Al, júldeli oryn almaǵandarǵa, biraq Olımpıadanyń deńgeıinen ótkenderge QazMemQyzPÝ-ǵa birinshi kezekte qabyldanýǵa quqyq beretin sertıfıkattar tabys etilip, oqýǵa túsýge 10% jeńildik jasalady. Olımpıada jumysynyń maksımaldy kórsetkishi  100 ball. Olımpıadanyń saltanatty jabylý rásiminde, jeńimpaz atanǵan 11 synyp oqýshylarymen qatar, sapaly bilim bergen pán muǵalimderi, sondaı-aq, aımaqtarda olımpıadanyń ótýine jaǵdaı jasaǵan aýdandyq bilim bólimderi men oblystyq bilim basqarmalary qyzmetkerleri Rektordyń alǵys hatymen marapattalatyn bolady.

Esterińizge sala keteıik, byltyrǵy ótken «Y.Altynsarın-2015» olımpıadasyna 3 956 mektep bitirýshi oqýshy qatysty. Onyń 24-i Rektor grantyna ıe bolsa, 10 paıyzdyq jeńildikke 700-ge jýyq oqýshy ilikti.