7 oblysta 1,6 mln. tonna astyq bastyryldy - QR AShM
ASTANA. QazAqparat - Qazaqstannyń 7 oblysynda 1,6 mln. tonna astyq bastyryldy. Bul týraly búgin Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti.
«Oblystardaǵy aýyl sharýashylyǵy basqarmalarynyń málimetinshe, 10 tamyzdaǵy derekter boıynsha elimizdiń 7 oblysynda (Pavlodar, Aqtóbe, Almaty, Jambyl, Batys Qazaqstan, Qyzylorda, Ońtústik Qazaqstan oblystary) 732 myń gektar alqaptan dándi daqyldar jınalyp, 1,6 mln. astyq bastyryldy. Ónim túsimdiligi ortasha kórsetkishi 21,7 ts/gektar boldy. Bul ótken jyldyń osy kezeńinen 4,5 ts/gektarǵa artyq», - dep atap ótti ol.
Q. Aıtýǵanovtyń sózine qaraǵanda, ońtústik óńir boıynsha egin oraǵy tamyzdyń úshinshi onkúndigi kezinde aıaqtalady jáne bul rette eshqandaı problema baıqalmaı otyr.
