7 naýryzda Qazaqstannyń basym aýmaǵy antıtsıklonnyń yqpalynda bolady - Qazgıdromet
ASTANA. 6 naýryz. QazAqparat - 7 naýryzda Qazaqstannyń basym aýmaǵy antıtsıklonnyń yqpalynda bolady. Atmosferalyq aǵymdardyń ótýine baılanysty jekelegen jerlerde jaýyn-shashyn, tuman, kóktaıǵaq bolyp, jel kúsheıedi dep kútilýde.
Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Respýblıkanyń shyǵysynda azdaǵan jaýyn-shashyn jaýyp, negizinen kún raıy ashyq bolady dep kútilýde.
Aqmola, Batys Qazaqstan, Qostanaı jáne Shyǵys Qazaqstan oblystarynyń keı jerlerinde tuman bolady dep kútilýde.
Aqmola jáne Qostanaı oblystarynyń jekelegen jerlerinde 15-20 m/s jyldamdyqpen jel soǵady.
Jambyl, Ońtústik Qazaqstan, Qyzylorda, Mańǵystaý jáne Qaraǵandy oblystarynyń jekelegen jerlerinde tuman, kóktaıǵaq bolyp, 15-20 m/s jyldamdyqpen jel soǵady.
Atyraý, kúndiz Soltústik Qazaqstan oblystarynda 15-20 m/s jyldamdyqpen jel soǵady dep kútilýde, Atyraý oblysynda qarly burqasyn bolady.
Almaty oblysynyń keı jerlerinde tuman bolyp, 15-20 m/s jyldamdyqpen jel soǵady. Alakól ózeniniń aýdanynda jeldiń ekpini 20-25 m/s quraıdy.
