7 naýryzda el aýmaǵynda kúshti jel men jaýyn-shashyn saqtalady
ASTANA. QazAqparat - Atmosferalyq fronttardyń ótýine baılanysty 7 naýryz kúni Qazaqstannyń basym bóliginde qubylmaly kún raıy saqtalady, jaýyn jaýady, keı jerlerde qatty jaýyn-shashyn kútiledi. Jekelegen aýmaqtarda jel kúsheıip, tuman, kóktaıǵaq, burqasyn boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan, Qostanaı, Aqmola, Pavlodar, Shyǵys Qazaqstan oblystarynda jeldiń ekpini 23-28, keı jerlerde 30 m/s kúsheıedi, keı jerlerde burqasyn, tuman, kóktaıǵaq bolady.
Qaraǵandy oblysynda jeldiń kúshi 23-28 m/s jetedi, keı jerlerde burqasyn, kóktaıǵaq kútiledi.
Qostanaı oblysynda jeldiń jyldamdyǵy 23-28 m/s artyp, jaıaý burqasyn boljanady.
Aqtóbe oblysynyń keı jerlerinde túnde 18 m/s ekpinde jel soǵady, jaıaý burqasyn kútiledi.
Mańǵystaý oblysynyń keı jerlerin tuman basyp, túnde jel 15-20 m/s kúsheıedi.
Qyzylorda, Ońtústik Qazaqstan, Jambyl oblystarynyń keı jerlerinde tuman, kóktaıǵaq bolyp, jeldiń ekpini 15-25 m/s artady.
Almaty oblysynyń keı jerlerinde tuman kútiledi, túnde jeldiń jyldamdyǵy 15-20 m/s jetedi.
