7 naýryzda aýa raıyna baılanysty eskertý jarııalandy

ASTANA. KAZINFORM – Qazgıdromet 7 naýryzda eldiń basym bóliginde qolaısyz aýa raıyna baılanysty eskertý jarııalady. 

Jetisý oblysynyń ońtústik, shyǵys, ortalyq jáne taýly aýdandarynda keı ýaqytta tuman túsip, joldarda kóktaıǵaq bolady. Taldyqorǵanda túnde jáne tańerteń tuman men kóktaıǵaq kútiledi.

Astana qalasynda túnde azdaǵan qar jaýyp, kúndiz jańbyr men qar aralas jaýyn-shashyn bolady. Jaıaý burqasyn men kóktaıǵaq baıqalady. Ońtústik-batystan soǵatyn jeldiń ekpini kúndiz 15-20 metr sekýndyna jetedi.

Qaraǵandy oblysynyń batysy, soltústigi jáne shyǵysynda qar jaýyp, jaıaý burqasyn men kóktaıǵaq bolady. Kúndiz oblystyń batysy men soltústiginde qar jaýyp, jaıaý burqasyn men kóktaıǵaq saqtalady. Soltústik, shyǵys jáne ońtústik aýdandarda tuman túsedi. Ońtústik-batystan soǵatyn jeldiń ekpini tańerteń jáne kúndiz 15-20 metr sekýndyna jetedi. Qaraǵandy qalasynda túnde qar jaýyp, jaıaý burqasyn men kóktaıǵaq bolady.

Ulytaý oblysynyń batysy, soltústigi jáne shyǵysynda qar jaýyp, jaıaý burqasyn men kóktaıǵaq baıqalady. Kúndiz osy aýdandarda kóktaıǵaq saqtalady. Shyǵys, ońtústik jáne ortalyq bólikterinde tuman túsedi. Jezqazǵan qalasynda tuman kútiledi.

Abaı oblysynyń soltústik jáne ońtústik aýdandarynda tuman bolady.

Almaty oblysynyń soltústik, ońtústik, taý bókteri men taýly aımaqtarynda keı ýaqytta tuman túsip, joldarda kóktaıǵaq paıda bolady. Soltústik-shyǵystan soǵatyn jeldiń ekpini ońtústik, taý bókteri jáne taýly aýdandarda 15-20 metr sekýndyna jetedi. Almaty qalasynda túnde jáne tańerteń joldarda kóktaıǵaq bolady, keıde tuman túsedi. Soltústik-shyǵystan soǵatyn jeldiń ekpini 15 metr sekýndyna deıin jetedi. Qonaev qalasynda túnde joldarda kóktaıǵaq baıqalady, keıde tuman túsedi. Soltústik-shyǵystan soǵatyn jeldiń ekpini 18 metr sekýndyna deıin jetedi. Іle Alataýynyń (Almaty qalasynyń Medeý jáne Bostandyq aýdandarynyń taýly aımaqtary) aýmaǵynda 7 naýryzda keı ýaqytta tuman men kóktaıǵaq bolady. Soltústik-shyǵystan soǵatyn jeldiń ekpini 15-20 metr sekýndyna jetedi.

Mańǵystaý oblysynyń batysy, soltústik-shyǵysy jáne ortalyǵynda kóktaıǵaq bolady. Túnde jáne tańerteń oblystyń soltústik-shyǵysy men ortalyǵynda tuman túsedi.

Aqtóbe oblysynda jaýyn-shashyn (jańbyr men qar), jaıaý burqasyn jáne kóktaıǵaq bolady. Kúndiz oblystyń soltústik, ońtústik jáne shyǵys aýdandarynda jaýyn-shashyn, jaıaý burqasyn jáne kóktaıǵaq saqtalady. Batys jáne soltústik bólikterinde tuman túsedi. Aqtóbe qalasynda kúndiz kóktaıǵaq bolady. 

Atyraý oblysynyń soltústik jáne shyǵys aýdandarynda tuman men kóktaıǵaq bolady. Jel baǵyty ońtústik-batystan soltústik-batysqa aýysyp, kúndiz oblystyń soltústiginde ekpini 15-20 m/s jetedi. Atyraý qalasynda túngi jáne tańerteńgi ýaqytta tuman kútiledi.

Pavlodar oblysynyń batysy, soltústigi jáne shyǵysynda azdaǵan qar jaýady, jaıaý burqasyn bolady. Kúndiz osy aýdandarda jaýyn-shashyn (jańbyr men qar), jaıaý burqasyn jáne kóktaıǵaq baıqalady. Jel ońtústik-batystan soǵyp, kúndiz oblystyń batysy, soltústigi men shyǵysynda ekpini 15-20 m/s jetedi. Pavlodar qalasynda túnde azdaǵan qar men jaıaý burqasyn, kúndiz jaýyn-shashyn jáne kóktaıǵaq bolady.

Shyǵys Qazaqstan oblysynyń soltústik, shyǵys jáne ońtústik bólikterinde tuman bolady.

Túrkistan oblysynyń taýly aımaqtarynda kóktaıǵaq kútiledi. Oblystyń batysy, soltústigi, ońtústigi jáne taýly aýdandarynda tuman bolady. Jel ońtústik-shyǵystan soǵyp, taý asýlarynda ekpini 15-20 m/s jetedi. Shymkent qalasynda keı ýaqytta tuman bolady. Túrkistan qalasynda 7 naýryzda túnde jáne tańerteń tuman kútiledi.

Qostanaı oblysynda jaýyn-shashyn (jańbyr men qar), jaıaý burqasyn jáne kóktaıǵaq bolady. Kúndiz oblystyń ońtústik-shyǵysynda qarqyndy jaýyn-shashyn kútiledi. Oblystyń batysy, soltústigi jáne ońtústiginde tuman bolady. Jel ońtústik-batystan soǵyp, oblystyń soltústigi men shyǵysynda ekpini 15-20 m/s jetedi. Qostanaı qalasynda jaýyn-shashyn, jaıaý burqasyn jáne kóktaıǵaq baıqalady. Túnde jáne tańerteń tuman bolady, jeldiń ekpini – 15-20 m/s.

Soltústik Qazaqstan oblysynda qar, burqasyn jáne kóktaıǵaq bolady. Kúndiz jaýyn-shashyn (jańbyr men qar), jaıaý burqasyn jáne kóktaıǵaq baıqalady. Oblystyń batysy, soltústigi jáne shyǵysynda tuman bolady. Jel ońtústik-batystan soǵyp, kúshi 15-20 m/s, oblystyń soltústigi, ońtústigi jáne shyǵysynda ekpini 23-28 m/s jetedi. Petropavl qalasynda túnde qar men burqasyn, kúndiz jaýyn-shashyn (kóbinese qar), jaıaý burqasyn jáne kóktaıǵaq bolady. Jeldiń kúshi túnde – 15-20 m/s, kúndiz – 25 m/s.

Batys Qazaqstan oblysynda azdaǵan jaýyn-shashyn (jańbyr men qar), jaıaý burqasyn bolady. Kúndiz oblystyń soltústik jáne shyǵys aýdandarynda azdaǵan qar, jaıaý burqasyn jáne kóktaıǵaq baıqalady. Oblystyń batysy, soltústigi jáne shyǵysynda tuman bolady. Oral qalasynda azdaǵan jaýyn-shashyn, jaıaý burqasyn, tuman jáne kóktaıǵaq kútiledi.

Jambyl oblysynyń ońtústik jáne shyǵys taýly aýdandarynda keı ýaqytta tuman, túnde kóktaıǵaq bolady. Jel baǵyty soltústik-shyǵystan ońtústik-shyǵysqa aýysady, taýly aýdandarda ekpini 15-20 m/s jetedi. Taraz qalasynda keı ýaqytta tuman jáne túnde kóktaıǵaq bolady.

Aqmola oblysynyń batysy men soltústiginde qar, jaıaý burqasyn jáne kóktaıǵaq bolady. Oblystyń shyǵys bóliginde azdaǵan qar, jaıaý burqasyn jáne kóktaıǵaq baıqalady. Kúndiz jaýyn-shashyn (jańbyr men qar), jaıaý burqasyn jáne kóktaıǵaq bolady. Jel ońtústik-batystan soǵyp, túnde oblystyń batysy men soltústiginde ekpini 15-20 m/s, kúndiz 15-20 m/s, keı ýaqytta oblystyń soltústigi men shyǵysynda 25 m/s jetedi. Kókshetaý qalasynda túnde qar, kúndiz jaýyn-shashyn (jańbyr men qar), jaıaý burqasyn jáne kóktaıǵaq bolady. Jeldiń ekpini – 15 m/s.

Aıta keteıik, budan buryn Qazgıdromet 7-9 naýryzǵa arnalǵan Qazaqstandaǵy aýa raıy boljamyn usyndy.