7 myńnan astam kásipodaq múshesi saılaý protsesin baqylaıdy
«Bıyl 6 qarasha kúni bizdiń federatsııa aldaǵy saılaýǵa baqylaýshy retinde qatysý týraly sheshim qabyldap, 8 qarasha kúni ashyq túrde jarııa ettik. Kásipodaqtar federatsııasy saılaýdyń ádil ári adal túrde ótýin qadaǵalaýda 2 mıssııa ustanady. Aldymen qysqa merzimdi mıssııa ol saılaý kúni onyń zań aıasynda ótýin qadaǵalaý. Al uzaq merzimdi mıssııamyzǵa saılaýǵa qatysýshylarmen, daýys berýshilermen jáne partııa ókilderimen birlesken jumystar jatady», - dedi Qazaqstan kásipodaqtar federatsııasynyń ókili Tólegen Kúnádilov tilshilerdiń suraqtaryna jaýap bere otyryp.
Federatsııa ókiliniń pikirinshe, saılaý kezinde jumys berýshilerdiń óz qyzmetkerlerin saılaýǵa májbúrli túrde qatystyrý nemese daýys bergizýdiń oryn almaýy mańyzdy.
«Kásipodaqtar federatsııasy búgin qabyldanyp otyrǵan saılaýdy baqylaýǵa arnalǵan hartııany qoldaıdy. Ásirese hartııada kórsetilgen kandıdattardyń saılaý kezinde laýazymyn artyǵymen paıdalanýǵa quqyǵy joq ekenin eskere otyryp, saılaý protsesine qatysýshylardyń teń múmkindigi men quqyǵynyń saqtalýyna qoǵamdyq baqylaý júrgizý. Osy maqsatta federatsııa janynan elimizdiń barlyq óńirinde shtabtar qurylyp, jedel jeli ashyldy. ıAǵnı kez kelgen azamat bizdiń shtab nemese jedel jeli arqyly saılaý kezinde zańbuzýshylyqtyń oryn alǵany týraly habarlaı alady. Odan ári atalǵan másele zań aıasynda qarastyrylatyn bolady. Aldaǵy saılaýda elimiz boıynsha 7 myńnan astam kásipodaq múshesi atsalysyp, baqylaýshy retinde qatysady», - deıdi ol.
Buǵan deıin habarlaǵanymyzdaı búgin elimizde saılaý protsesin baqylaý týraly hartııa qabyldandy. Atalǵan qujat saılaýdyń ádil jáne adal túrde ótýin qamtamasyz etý maqsatyn kózdeıdi.
