7 myńnan astam kásipker zańsyz aıyppuldan bosatyldy - Bas prokýratýra
«2022 jyldyń mamyr aıynan bastap prokýrorlar kásipkerlerge qatysty bastalǵan sotqa deıingi barlyq tergep-tekserýlerge tekseris júrgizdi. Osy kezeńde ekonomıka salasynda 360-tan astam qylmystyq is toqtatyldy. Sondaı-aq jańa «Qylmystyq qýdalaýdyń zańdylyǵyn qadaǵalaýdy uıymdastyrý jónindegi nusqaýlyq» qabyldandy, oǵan sáıkes prokýrorlar bıznes sýbektilerine qatysty árbir is boıynsha sotqa deıingi tergep-tekserýdiń bastalýynyń zańdylyǵyn bir táýlik merzimde tekserýge jáne buzýshylyqtar anyqtalǵan kezde qylmystyq qýdalaýdy dereý toqtatýǵa mindetti. Іs zańdy túrde qozǵalǵan dep tanylǵan jaǵdaılarda prokýror keıin árbir 15 kún saıyn tergeý júrgizýdiń zańdylyǵy men sıpatyn onyń tolyqtyǵy men obektıvtiligin qamtamasyz ete otyryp tekseredi», - delingen habarlamada.
Prokýratýranyń habarlaýynsha, eger buryn elimiz boıynsha kásipkerlerge qatysty aı saıyn 150-ge jýyq is qozǵalsa, qazir olardyń sany 2,5 esege azaıdy.
Máselen, 2022 jyly prokýrorlardyń kómegimen bıznes sýbektileri úshin 55 ótkir másele sheshildi. Olardyń ishinde sharýa qojalyqtaryn sýmen qamtamasyz etý, bereshek pen sýbsıdııalar tóleý, áleýmettik mańyzy bar ónimderge qaryz alýǵa shekteýlerdi joıý, tekserýshilerdiń kommertsııalyq obektilerge barý praktıkasynyń jolyn kesý.
Barlyq jerde prokýratýra organdarynyń bıznesti qorǵaý jónindegi mobıldi toptary jumysyn 24/7 táýlik boıyna jalǵastyrýda.
Ótken jyly olar kásipkerlerdiń 3 myńnan astam sıgnalyn pysyqtady, árbir 4-shi (759) fakti óz rastaýyn tapty.
Almaty oblysynda arnaıy «Bıznes quqyqtaryn qorǵaý jónindegi mobıldik toptyń boty» engizildi. Bul tek bir QR kody arqyly prokýratýraǵa sıgnal jiberýge múmkindik beredi.
IT-resýrstardy tıimdi paıdalanýdyń jáne qadaǵalaý aktilerin engizýdiń arqasynda 7,1 myńnan astam kásipker 1,3 mlrd teńge somaǵa zańsyz aıyppuldan bosatyldy, 9 myńnan astam zańsyz tekserister men baqylaýdyń ózge de nysandarynyń jolyn kesip, joıyldy.
Jalpy, 2022 jyly kásipkerlik salasyndaǵy buzýshylyqtar boıynsha 1 330 qadaǵalaý aktisi engizildi, ýákiletti organdardyń 1230 zańsyz tyıym salý jáne shekteý sharalary joıyldy, 1 240 adam jaýapqa tartyldy.
Baqylaýshy jáne jergilikti atqarýshy organdardyń kásipkerlerdiń qyzmetine aralasýyn retke keltirý úshin 2023 jylǵa arnalǵan bıznesti qorǵaý jónindegi birlesken is-qımyldardyń keshendi jospary bekitildi. Bul prokýratýra organdarynyń «Atameken» UKP jáne memlekettik organdarmen birlesken is-qımyldarynyń naqty «jol kartasy». Jospar kásipkerlerdi qorǵaý tetikterin kúsheıtýge múmkindik beredi jáne bıznes-ahýaldy jaqsartýǵa yqpal etetin bolady.
Kásipkerlerdiń quqyqtary buzylǵan jaǵdaıda dereý 115 (Call-ortalyq), (7172) 30-17-93 nemese +7 702 629 75 61 nómirleri boıynsha (Bas prokýratýranyń mobıldi toby) nemese aýmaqtyq prokýratýra organdarynyń saıttarynda kórsetilgen nómirler boıynsha tikeleı habarlasýǵa bolady.
