7 myńnan astam elordalyq jumysqa ornalasady

NUR-SULTAN. QazAqparat - Elordada júzden astam ınfraqurylymdyq obektiler iske qosyldy. Bul týraly Nur-Sultan qalasy turǵyndaryn jumyspen qamtý máselesi taqyrybyndaǵy onlaın baspasóz konferentsııasynda aıtyldy, dep habarlaıdy QazAqparat tilshisi.

«2020-2021 jyldarǵa arnalǵan jumyspen qamtý jol kartasy» baǵdarlamasy aıasynda Jumyspen qamtý ortalyǵy qurylys, jóndeý, abattandyrý jáne kógaldandyrý jumystaryn júrgizip jatyr. Nur-Sultan qalasynda júzden astam ınfraqurylymdyq obektiler iske qosylǵan. Bul baǵdarlama aıasynda jospar boıynsha 7 627 jumyssyz azamatty jumysqa ornalastyrylady», - deıdi «Nur-Sultan qalasy ákimdiginiń Halyqty jumyspen qamtý ortalyǵy» KMM jumysqa ornalasýǵa járdemdesý bóliminiń jetekshisi Azamat Baıtasov.

Onyń aıtýynsha, bul baǵdarlama aıasynda eń tómengi jalaqy mólsheri 85 myń teńgeni quraıdy.

«Osy baǵdarlamaǵa qatysam degen jumyssyz azamatqa jeke kýáligi, eńbek kitapshasy jáne bilimin rastaıtyn qujat qana qajet. Sabaqtan bos ýaqytynda, ıaǵnı jazǵy demalys kezinde stýdentter de qatysa alady. Beıbitshilik, 25 mekenjaıyna kelip, bos vakantsııalardy kórýge bolady», - deıdi ol.