7 myńǵa jýyq tasbaqa tabıǵatqa erkindikke jiberildi
ASTANA. QazAqparat - Ońtústik Qazaqstan oblysynda jeti myńǵa jýyq tasbaqa erkindikke jiberildi, dep habarlaıdy 24.kz tilshisi.
Baýyrymen jorǵalaýshy jándikter kontrabandalyq jolmen Reseı asyrylmaq bolǵan. Mamyr aıynyń bas kezinde tárkilengen tasbaqalar endi «Arys-Qaraqtaý» memlekettik tabıǵı qoryǵynyń erekshe qorǵalatyn aımaǵynda ómir súrmek. Óıtkeni ońtústik óńiri dala tasbaqalarynyń tabıǵı ortasy.
Oblystyq aýmaqtyq ınspektsııa mamandary Almaty qalasyndaǵy Zoologııalyq zertteý ınstıtýtynyń qyzmetkerlerimen birlesip árbir tasbaqany arnaıy belgilep shyqty. «Ol jándikterdi baqylaýǵa alyp, kelesi jyly sanaq júrgizýge múmkindik beredi», - deıdi mamandar.
Bir qyzyǵy, tasbaqanyń ústindegi súıek saýytyna qarap onyń jasyn da ajyratýǵa bolady. Ǵylymı qyzmetkerlerdiń paıymdaýynsha, erkindikke jiberilgen jándikterdiń eń jasy 4 jasta. Bir jerge shoǵyrlanyp qalmas úshin olar birneshe aýmaqqa bólip jiberildi.
«Jalpy, tasbaqalardyń keıbir túri Halyqaralyq tabıǵı qorǵaý odaǵynyń Qyzyl kitabyna engizilgen», - deıdi mamandar.
«Osy meken etý ortasyna jiberilgennen keıin osy jerdiń bekitilgen ınspektor mamandarymen qatań baqylaýda bolady. Endi iri kólemde kontrabandalyq jolmen - 6 myńnan astam bas tasbaqa bizdiń oblysta aldyńǵy jyldarda tirkelgen emes», deıdi oblystyq orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Nurbolat Qudaıbergenov.
