7 myńǵa jýyq atyraýlyq medıtsınalyq mekeme tańdaý quqyǵyn paıdalandy
ATYRAÝ. QazAqparat - 7 myńǵa jýyq atyraýlyq medıtsınalyq mekeme tańdaý quqyǵyn qoldandy, dep habarlaıdy QazAqparat tilshisi.
Bul týraly Óńirlik kommýnıkatsııalar qyzmetiniń brıfınginde «Áleýmettik medıtsınalyq saqtandyrý qory» UAQ Atyraý oblystyq bólimshesiniń dırektory Baıtolla Ǵazızov aıtty.
Spıkerdiń aıtýynsha, bıyl kóptegen qatysýshylar jeke medıtsınalyq uıymdardy tańdaǵan.
«Atyraý oblysy boıynsha 627 258 adam tirkelgen, onyń ishinde 6 592 turǵyn medıtsınalyq uıymdy tańdaý quqyǵyn paıdalandy. Atyraý turǵyndary kóshken kezde, emhanalar qaıta qurylǵanda, onyń ÁMSQ-men kelisimsharty bitken kezde nemese turǵylyqty jerinde jańa emhana ashylǵan kezde ÁMSQ-men kelisim jasalǵan kez kelgen emhanaǵa jylyna bir ret tirkele alady», - dep habarlady Baıtolla Ǵazızov.
B.Ǵazızov atap ótkendeı, taıaý ýaqytta emhana arqyly tirkelý múmkindigi alynyp tastalady. Sebebi, bul júıelik problemalardy sheshý jáne asyra paıdalanýshylyq jáne burmalaýshylyq faktilerine jol bermeý úshin qajetti sharalarǵa aınaldy.
«Buǵan eshkim de alańdamaý kerek. Birinshiden, emhanaǵa tirkelý úshin baratyn jandar Halyqqa qyzmet kórsetý ortalyǵyna júgine alady. Onda connection points buryshtary jabdyqtalyp, egov portalyna qosylǵan jáne qyzmet kórsetýge kómektesetin keńesshiler jumys isteıdi. Ekinshiden, Egov.kz saıtynyń Telegram-boty jasalǵan. Onyń kómegimen smartfon arqyly birneshe mınýttyń ishinde tirkelýge bolady. Úshinshiden, balalaryńyzdy da onlaın tirkeýge múmkindik bar. Bul júıe sizdiń týystaryńyz týraly derekterdi avtomatty túrde júkteıdi. Ol úshin artyq qujattar qajet emes», - dep túsindirdi Baıtolla Ǵazızov.
Aıta keteıik, bıyl Atyraý oblysy boıynsha kompanııaǵa 19 medıtsınalyq uıym qatysty. Tirkelýge bolatyn emhanalardyń tizimi Áleýmettik medıtsınalyq saqtandyrý qorynyń saıtynda bar.
