7 muǵalim «Qazaqstannyń eńbek sińirgen ustazy» qurmetti ataǵyn aldy

Memleket basshysy asa úzdik jetistikteri jáne Qazaqstan Respýblıkasyna sińirgen aıryqsha eńbegi úshin birqatar muǵalimge «Qazaqstannyń eńbek sińirgen ustazy» qurmetti ataǵyn berdi, dep habarlaıdy QazAqparat Aqordanyń baspasóz qyzmetine silteme jasap. 

Atalǵan marapat myna muǵalimderge saltanatty túrde tabystaldy:

— Eńbek ardageri Maıra Mámbetova (Almaty qalasy);

— Qojabergen jyraý atyndaǵy orta mektep muǵalimi Aıjan Qapezova (Petropavl qalasy);

— S.Ábdijapparov atyndaǵy jalpy orta mektep-ınternatynyń muǵalimi Roza Salımova (Túrkistan oblysy);

— A.Baıtursynuly atyndaǵy mektep-gımnazııa muǵalimi Sábıra Kúlpeıisova (Qaraǵandy qalasy);

— akademık Q.Sátbaev atyndaǵy mektep-balabaqsha oqý-tárbıe kesheniniń muǵalimi Sábıt Ibadýllın (Pavlodar oblysy);

— Raıymbek batyr atyndaǵy №50 «Qazǵarysh» mektep-lıtseıiniń muǵalimi Aıgúl Erjanova (Astana qalasy);

— Aqtóbe oblystyq mamandandyrylǵan «Bilim-ınnovatsııa» lıtseı-ınternatynyń muǵalimi Baıan Bazarǵalıeva.