7 mln teńgeni jymqyrǵan QR UQK qyzmetkerine úkim shyqty

Úkimde aıtylǵandaı, sottalýshy Janatov memlekettik fýnktsııanyń oryndalýyna jaýapty - QR UQK áskerı tehnıkamen qamtý departamentiniń (ÁTQD) 2-shi basqarmasy 3-shi bóliminiń tehnıgi ári materıaldyq turǵyda jaýapty qyzmetkeri bolǵan.
«Sottalýshy ÁTQD men «AVTO PARTS ASTANA» JShS arasyndaǵy memlekettik satyp alý taýarlary boıynsha kelisim aıasynda paıdakúnemdik pıǵylmen, ózine jáne ózge de adamdardyń paıdasy úshin qylmysqa barǵan. ıAǵnı, ol taýar-materıaldyq zattardy (TMZ) - avtokólikterdiń qosymsha saımandaryn, avtoshınalardy men akkýmýlıatorlardy qabyldaý kezinde, jetkizýshi ótinim boıynsha zattardyń barlyǵyn jetkizbegenin bile tura TMZ qabyldaý-jetkizý qujatyn toltyrǵan», - delingen sot materıaldarynda.
Anyqtalyp otyrǵandaı, sottalýshy shyndyqqa saı kelmeıtin málimetti UQK ekonomıka jáne qarjy departamentine usynǵan. Osynyń negizinde barlyq ótinim boıynsha jetkizýshige tólem júrgizilgen.
«Osynyń saldarynan memleketke qoımada TMZ jetispeýshiligi saldarynan iri kólemde - 7 175 541 teńge mólsherinde materıaldyq shyǵyn keltirilgen», - delingen úkimde.
Qylmystyq-protsessýaldyq kodekstiń 388-390, 393, 395-398, 401-baptary basshylyqqa alyna otyryp Marat Janatov QR QR-nyń 361-baby 4-bóligi boıynsha kináli dep tanyldy. Sot ony 5 jylǵa bas bostandyǵynan aıyrdy. Ol sonymen birge memlekettik qyzmette eńbek etý quqyǵynan ómir boıyna aıyryldy. UQK qyzmetkeri sot zalynan qamaýǵa alyndy.