7 myńǵa jýyq pedagog biliktilikti arttyrý kýrstarynan ótip jatyr

ASTANA. KAZINFORM – Eń belsendi qatysýshylar qatarynda Astana, Shymkent qalasy jáne Almaty jáne Túrkistan oblysy kósh bastap tur. Bul týraly Oqý-aǵartý mınıstrliginiń baspasóz qyzmeti habarlady. 

Oqý-aǵartý mınıstrligi «Órleý» biliktilikti arttyrý ulttyq ortalyǵy «Keleshek mektepteri» ulttyq jobasy aıasynda pedagogterdiń kásibı quzyrettiligin damytýǵa arnalǵan keshendi baǵdarlamany iske asyrýdy jalǵastyryp jatyr. Oqytý LMS tsıfrlyq platformasy arqyly onlaın ótedi. Qazirgi tańda 6 800 pedagog tirkelip, kýrsqa qatysyp jatyr. Eń belsendi qatysýshylar qatarynda Astana, Shymkent qalasy jáne Almaty jáne Túrkistan oblysy kósh bastap tur.

Kýrstar bazalyq deńgeıdegi 11 pándi qamtıdy: bastaýysh synyp, qazaq, orys jáne aǵylshyn tilderi, matematıka, ınformatıka, fızıka, hımııa, bıologııa, geografııa jáne tarıh. Platfordama pándik oqý materıaldary men muǵalimder úshin qıyndyq týdyratyn taqyryptardy aıqyndaýǵa arnalǵan dıagnostıkalyq testiler usynylǵan. Baǵdarlama pándik bilimdi negizgi jumysynan qol úzbeı jańartý, kásibı quzyrettilikti arttyrý jáne muǵalimderge ádistemelik qoldaý kórsetýge baǵyttalǵan.

Aıta óteıik, ótken jyly «Keleshek mektepteri» ulttyq jobasy aıasynda 35 mektepten 2 myńnan astam pedagog biliktilikti arttyrý kýrstarynan ótti. Oqytý qorytyndysy boıynsha qatysýshylar kásibı damýyn odan ári jalǵastyrýǵa arnalǵan jeke usynymdar berildi. 

Aıta ketelik AI taqyryptary Keleshek mektepteriniń oqý baǵdarlamasyna engizilgen edi.