7 maýsym kúni Qazaqstanda turaqsyz aýa raıy saqtalady
ASTANA. 7 maýsym. QazAqparat - Qazaqstannyń basym bóligi 7 maýsym kúni atmosferalyq aǵyndar yqpalynda bolady, sonyń áserinen turaqsyz aýa raıy saqtalyp, keı jerlerde naızaǵaı oınap, ótkinshi jańbyr jaýady, jel kúsheıedi.
Bul týraly Kazgıdrometke silteme jasap, TJM baspasóz qyzmeti habarlaıdy.
Aqmola, Jambyl, Qostanaı oblystarynda, kúndiz Batys Qazaqstan oblysynda 15-20 m/s deıin jel kúsheıýi múmkin.
Mańǵystaý men Atyraý oblystarynda keı jerlerde 15-22 m/s-ke deıin jel kúsheıip, shańdy daýyl turady.
Aqtóbe, Soltústik Qazaqstan oblystarynyń keı jerlerinde túnde jáne tańerten tuman túsedi, Soltústik Qazaqstan oblysynyń keı jerlerinde 15-20 m/s jel kúsheıedi.
Respýblıkanyń batysynda, ortalyǵynyń keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústiginiń jáne ońtústik-shyǵysynyń kóptegen taýly ózenderinde sý deńgeıiniń turaqsyzdanýy baıqalady; Batys Altaıdyń (ShQO) jekelegen ózenderinde, onyń ishinde Qara Ertiste sý shyǵynynyń ulǵaıýy kútilýde. Qazaqstannyń jazyqty aýmaǵynyń ózenderinde gıdrologııalyq tártipte aıtarlyqtaı ózgeris kútilmeıdi.
