7 maýsymda kún kúrkirep, ótkinshi jaýyn men burshaq jaýady

ASTANA. KAZINFORM — Qazgıdromet sınoptıkteri 7 maýsym, jumaǵa arnalǵan aýa raıy boljamyn jarııalady. 

Qazaqstan terrıtorııasynyń basym bóliginde atmosferalyq fronttarǵa baılanysty turaqsyz aýa raıy saqtalady.

Naızaǵaı oınap, ótkinshi jańbyr, soltústikte burshaq jaýady.

Tek elimizdiń ońtústik-batysynda ǵana jaýyn shashyn bolmaıdy.

Respýblıka boıynsha jel kúsheıedi, kúndiz ońtústik-batysta, ońtústikte shańdy daýyl soǵady. 

Kúndiz Qyzylorda, Mańǵystaý, Atyraý, Aqtóbe, Almaty, Jetisý oblystarynda, Batys Qazaqstan oblysynyń ońtústiginde aptap ystyq saqtalady.

Mańǵystaý, Atyraý, Qyzylorda, Túrkistan, Jambyl, Aqtóbe, Ulytaý, Batys Qazaqstan, Almaty, Jetisý, Qostanaı, Qaraǵandy, Abaı oblystarynda joǵary órt qaýpi bar. 

Túrkistan oblysynyń shóldi aýdandarynda, Atyraý oblysynyń batasynda, ońtústiginde, soltústiginde, Batys Qazaqstan oblysynyń batysy men ońtústiginde, Qyzylorda oblysynyń shyǵysynda tótenshe órt qaýpi saqtalady.