7 maýsym. Tulǵalar týǵan kún
Búgin, 7 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
47 jyl buryn (1978) Astana qalasy ákimi apparatynyń ádep jónindegi ýákili Ǵalymjan Amantaıuly AMANTAI dúnıege keldi.
Ál-Farabı atyndaǵy Qazaq memlekettik ulttyq ýnıversıtetin bitirgen, zańger; Qazaqstan halyqtar dostyǵy ýnıversıtetin tehnolog mamandyǵy boıynsha bitirgen.
Eńbek joly: «WIS K Ltd» JShS ınspektory (1999-2005); ІІB ýchaskelik polıtsııa ınspektory (2005-2006); Qazaqstan Respýblıkasy Memlekettik qyzmet isteri agenttiginiń Memlekettik qyzmetti quqyqtyq qamtamasyz etý departamenti memlekettik qyzmet salasyndaǵy zańnamanyń saqtalýyn baqylaý bóliminiń konsýltanty (2006-2007); Qazaqstan Respýblıkasy Memlekettik qyzmet isteri agenttiginiń Astana qalasy boıynsha Basqarmasynyń Tártiptik keńes hatshylyǵynyń memlekettik qyzmet týraly zańnamanyń saqtalýyn baqylaý jáne sybaılas jemqorlyqqa qarsy kúres bóliminiń konsýltanty (2007-2009); Astana qalasy Týrızm, dene shynyqtyrý jáne sport basqarmasynyń quqyqtyq saraptama jáne kadr jumysy bóliminiń basshysy (2009-2010); Astana qalasy Densaýlyq saqtaý basqarmasynyń Ákimshilik-quqyqtyq jumys basqarmasynyń basshysy (2010-2012); Qazaqstan Respýblıkasy Týrızm jáne sport mınıstrligi Sport komıtetiniń quqyqtyq qamtamasyz etý jáne ákimshilik basqarmasynyń bas sarapshysy (2012); Qazaqstan Respýblıkasy Memlekettik qyzmet isteri agenttiginiń Astana qalasy boıynsha departamentiniń Tekserý-baqylaý bóliminiń (Tártiptik keńes hatshylyǵy) konsýltant-ınspektory (2012-2014); Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qyzmet jáne sybaılas jemqorlyq profılaktıkasy departamentiniń tártiptik-ákimshilik tájirıbe jáne memlekettik qyzmetter kórsetý bóliminiń bas ınspektory (2015-2016); Túrkistan oblysy Shardara aýdany ákimdiginiń basshysy (2016-2021).
43 jyl buryn (1982) QR Mádenıet jáne sport vıtse-mınıstri Erjan Málikuly ERKІNBAEV dúnıege keldi.
Jambyl oblysynyń Shý qalasynda týǵan. Qazaq memlekettik zań akademııasyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn, Halyqaralyq bıznes akademııasyn támamdaǵan.
Túrli jyldary jeke kompanııalarda jobalar jetekshisi, zańger bolyp jumys istegen. 2009-2013 jyldary «Shymbulaq» taý shańǵysy kýrortynyń bas dırektory bolyp qyzmet atqarǵan. 2013-2016 jyldary «Medeý» sport kesheniniń bas dırektory, 2016-2019 jyldary Almaty memlekettik zoologııalyq parkiniń dırektory laýazymyn atqardy. 2019 jyly «Kazakh Tourism» ulttyq kompanııasy«AQ basqarma tóraǵasynyń mindetin atqardy. 2019-2021 jyldary «Kazakh Tourism» Ulttyq kompanııasy» AQ Basqarma tóraǵasy laýazymyn atqardy.
Qazirgi qyzmetinde – 2021 jyldyń qazan aıynan beri.
38 jyl buryn (1987) Qaraǵandy oblysy ekonomıka basqarmasynyń basshysy Dýlat Kárimuly AShKENOV dúnıege keldi.
Qaraǵandy memlekettik tehnıkalyq ýnıversıtetiniń jáne Qaztutynýodaǵy Qaraǵandy ekonomıkalyq ýnıversıtetiniń túlegi.
Eńbek jolyn 2008 jyly Qaraǵandy oblysynyń jolaýshylar kóligi jáne avtomobıl joldary basqarmasynyń bólim mamany qyzmetinen bastaǵan.
Ár jyldary Qaraǵandy oblysynyń jol-kólik ınfraqurylymy men jolaýshylar kóligin damytý boıynsha memlekettik qurylymdarda jumys istedi.
2017-2022 jyldary Astana qalasy Esil aýdany ákiminiń apparatynda jumys istedi, Nur-sultan qalasynyń aktıvter jáne Memlekettik satyp alý basqarmasynda basshylyq laýazymdardy atqardy. 2022 jyly Almaty qalasy Kommýnaldyq ınfraqurylymdy damytý basqarmasy basshysynyń orynbasary bolyp jumys istedi.
108 jyl buryn (1917-1943) Uly Otan soǵysynyń qatysýshysy, Keńes Odaǵynyń Batyry, 3-shi Ýkraına maıdany 8-shi gvardııalyq armııa 39-shy gvardııalyq atqyshtar dıvızııasy 120-shy gvardııalyq atqyshtar polki quramynda rota komandıri Janǵazy Ákimuly MOLDAǴALIEV dúnıege keldi.
Semeı oblysy Abaı aýdanynyń Qaraaýyl aýylynda týǵan. Ata-anasy erte qaıtys bolyp, ápkesi Qanıpa men Janǵazyny nemere aǵasy Semeıbaı Jákenov óz tárbıesine alyp, Semeıdegi №38 jetijyldyq mektepti bitirgen. Mektep bitirgennen keıin un tartatyn zaýytta eńbek jolyn bastaǵan Janǵazy sol kezdegi aýatkom (raııspolkom) hatshysy bolyp el isine de aralasa bastaıdy. Osylaısha erjetip, azamat bolǵan shaǵynda 1938 jyldyń kúzinde ásker qataryna shaqyrylyp, 1941 jyly maıdanǵa attandy.
1943 jyldyń 23 qazanyna qaraǵan túni Moldaǵalıevtiń rotasyna Dneprden ótip, platsdarmdy alý tapsyryldy. Rota jaýyngerleri Elızarovo selosyn jaý qolynan tolyq azat etip, jaýdyń mysyn basyp, 100-den astam áskeri men ofıtserin joıyp, 25 soldatyn tutqynǵa alady. Sol jyldyń 31 qazanynda Janǵazy basqarǵan 2-atqyshtar rotasy Chernoparovka selosynyń batys bóliginde ornalasqan tirekpýnktin basyp alý týraly buıryq alady. Moldaǵalıevtiń basshylyǵyndaǵy rota tún ishinde qıyndyqtarǵa qaramastan ózennen ótip, qatty qaqtyǵystan soń Dneprdiń oń jaq jaǵalaýyna kúshpen bekinip alady.
1943 jylǵy qarashadaǵy urysta óz denesimen jaý dzotyn jaýyp, qaza tapty.
KSRO Joǵarǵy Keńesi Prezıdıýmynyń 1944 jylǵy 19 naýryzdaǵy Jarlyǵymen J. Moldaǵalıevke Keńes Odaǵynyń Batyry ataǵy berildi. Lenın jáne Qyzyl Juldyz ordenderimen marapattalǵan.