7 mamyrda elodada keıbir avtobýs baǵdarlary ishinara ózgeredi
ASTANA. QazAqparat - 7 mamyr - Otan qorǵaýshy kúnin merekeleý kezinde elordada keıbir qoǵamdyq kólikterdiń qozǵalysy ózgeredi. Bul týraly búgin baspasóz máslıhatynda Astana qalasy Jolaýshylar kóligi jáne avtomobıl joldary basqarmasy basshysynyń orynbasary Ábdihamıt Tamabaev málim etti.
Onyń sózine qaraǵanda, elordada áserı paradtyń ótýine oraı birqatar kóshelerde qozǵalystyń shektelýine baılanysty birqatar qoǵamdyq kólikterdiń baǵdary ishinara ózgeredi.
Atap aıtqanda, №3 baǵyttaǵy avtobýstyń qozǵalys kestesi Táýelsizdik dańǵylynan B. Momyshuly dańǵylyna deıin shektelip, odan ári M. Jumabaev kóshesi arqyly «Saraıshyq» turǵyn úı keshenine deıin júredi.
Al № 4 baǵyttaǵy avtobýstyń qozǵalysy B. Momyshuly dańǵylynan Táýelsizdik dańǵylyna deıin shekteledi.
№14 baǵyttaǵy avtobýstyń qozǵalys syzbasy Q. Sátbaev kóshesiniń boıymen (burynǵy L. Mırzoıan kóshesi) Aqyrtas kóshesindegi sońǵy aıaldamaǵa deıin ózgeredi.
«№ 19, 35, 40 baǵyttardaǵy jolaýshylar kóliginiń qozǵalys syzbasy B. Momyshuly dańǵylynyń boıymen M-1 kópirine deıin ózgerip, odan ári burynǵy syzba boıynsha júredi»,-dedi Ábdihamıt Tamabaev.
№ 21 baǵyttaǵy avtobýstyń qozǵalysy Syǵanaq kóshesiniń boıymen Orynbor kóshesine deıin shekteledi (kólik jolaıyryǵy). № 32, 46 baǵyttardaǵy avtobýstardyń qozǵalys syzbasy Aınakól kóshesiniń boıymen M. Jumabaev kóshesine deıin ózgertiledi, B.Momyshuly dańǵyly M-1 kópirine deıin, odan ári burynǵy qozǵalys syzbasy boıynsha júredi.
Esterińizge sala keteıik, qazirgi ýaqytta Táýelsizdik dańǵylynyń boıynda A. Baıtursynov kóshesinen J. Nájimedenov kóshesine deıin kólik qozǵalysy toqtatylady. 7 mamyr kúni saǵat tańǵy 6.00-dan 14.00-ge deıin Táýelsizdik dańǵylynyń boıynda B. Momyshuly dańǵylynan Sh. Qaldaıaqov kóshesine deıin, Sh. Qaldaıaqov kóshesi M-3 jolaıyryǵynan Obaǵan kóshesine deıin, R. Qoshqarbaev kóshesi B. Momyshuly dańǵylynan Sarykól kóshesine deıin, Aınakól kóshesi Sarykól kóshesinen J. Nájimedenov kóshesine deıin joldar jabylady.
