7 mamyrda Astana kóginde 56 ushaq áýeleıdi

ASTANA. QazAqparat - Qazaqstan Respýblıkasynyń Prezıdenti - Qarýly Kúshterdiń Joǵarǵy Bas Qolbasshysy Nursultan Ábishuly Nazarbaevtyń 2014 jylǵy 19 naýryzdaǵy Otan qorǵaýshylar kúnin merekeleý jónindegi № 1362 nusqaýy boıynsha Astana qalasynda Áskerı parad ótkiziledi. Bul týraly Qorǵanys mınıstrliginiń baspasóz qyzmetinen habarlady.

7 mamyrda Astanada Otan qorǵaýshylar kúnine arnalǵan Áskerı parad ótedi

Áskerı parad 2014 jylǵy 7 mamyrda Astana qalasyndaǵy «Qazaq eli» alańynda ótedi. Paradqa Qorǵanys mınıstrliginiń, Іshki ister mınıstrliginiń, Tótenshe jaǵdaılar mınıstrliginiń, Ulttyq qaýipsizdik komıteti Shekara qyzmetiniń jáne Respýblıkalyq ulannyń paradtyq eseptoptary, sondaı-aq Qorǵanys mınıstrliginiń, Іshki ister mınıstrligi men Tótenshe jaǵdaılar mınıstrlikteriniń áskerı tehnıkalary men avıatsııasy tartylady. Áskerı paradtyń saltanatty marshynyń jaıaý legine 2 myńǵa jýyq áskerı qyzmetshi, onyń ishinde QR Qarýly Kúshteriniń jeke quramynan 1500 adam qatysady. Mehanıkalandyrylǵan kolonnadaǵy áskerı tehnıka sany 250 birlikti jáne jeke quramda 566 adamdy quraıdy (mehanık-júrgizýshiler, ekıpajdar, desanttar). Sondaı-aq paradqa 56-ǵa jýyq ushý apparattary qatystyrylady.