7 mamyr - Otan qorǵaýshylarǵa, Qazaqstan armııasynyń ardagerlerine jáne qyzmet etýshilerge degen qurmet - Senat tóraǵasy
ASTANA. 6 mamyr. QazAqparat - QR Parlamenti Senatynyń tóraǵasy Qaırat Mámı óziniń Internettegi jeke-paraqshasy arqyly barsha qazaqstandyqtardy Otan qorǵaýshy kúnimen quttyqtady.
«Bıyl biz osy meıramdy memlekettik mereke retinde alǵash ret atap ótip otyrmyz. 7 mamyr - barlyq Otan qorǵaýshylarǵa, Qazaqstan armııasynyń ardagerlerine jáne qyzmet etýshilerge degen qurmet bolyp tabylady. Ózderiniń konstıtýtsııalyq jáne azamattyq boryshyna, áskerı antqa adaldyq, elimizdiń qaýipsizdigin qamtamasyz etý jónindegi jaýapty mindetterdi kirshiksiz oryndaý - osynyń bári Otan qorǵaýshylardyń qasıetti mindeti. Qazaqstan Respýblıkasy Qarýly Kúshteriniń sardarlary men sarbazdary bizdiń Otanymyzdy órkendetýge aıanbaı atsalysqan ulttyq batyrlarymyzdyń erlik dástúrin abyroımen atqara beredi dep senemin. Árqashan bizdiń elimiz beıbitshilik pen tynyshtyqta bolsyn, otbasylarymyz bereke men ıgilik mekenine aınalsyn!», - dep jazady Senat spıkeri.
