7 mamyr Otan qorǵaýshylar kúni memlekettik mereke retinde belgilenedi - Májilis
ASTANA. 19 qyrkúıek. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasyndaǵy merekeler týraly» zańyna tolyqtyrý engizý týraly» zań jobasy maquldandy.
Atalǵan qujattyń maqsaty 7 mamyr Otan qorǵaýshylar kúnin memlekettik mereke retinde belgileý bolyp tabylady. Zań jobasy QR Prezıdenti - QR Qarýly Kúshteriniń Joǵarǵy Bas Qolbasshysynyń «Qazaqstan Respýblıkasy Qarýly Kúshteriniń 20 jyldyǵy týraly» 2012 jylǵy 3 mamyrdaǵy buıryǵyna sáıkes ázirlengen.
«2012 jyly 7 mamyrda Qazaqstannyń Qarýly Kúshteriniń qurylǵanyna 20 jyl toldy. Osyǵan baılanysty zań jobasynda 7 mamyr Otan qorǵaýshylar kúnin - Qazaqstan Respýblıkasynyń memlekettik merekesi etip belgileý kózdelip otyr. Zań jobasynyń qabyldanýy qosymsha qarjy shyǵyndaryna, sondaı-aq teris áleýemttik-ekonomıkalyq saldarǵa ákelip soqtyrmaıdy»,-dedi Qorǵanys mınıstriniń orynbasary Sergeı Gromov.
Májilis maquldaǵan zań jobasy Senatqa jiberiledi.
