7 mamyr - Otan qorǵaýshy merekesin belgileý jas jaýyngerlerge jiger beredi - J. Erǵalıev
ASTANA. 4 qazan. QazAqparat - 7 mamyr - Otan qorǵaýshy kúni memlekettik merekesin belgileý jas jaýyngerlerdiń jiger beredi.
Búgin QR Parlamenti Senatynyń jalpy otyrysynda «Qazaqstan Respýblıkasyndaǵy merekeler týraly» zańyna tolyqtyrý engizý týraly» qujatty talqylaý barysynda senator Jabal Erǵalıev osylaı málim etti. Eske salsaq, zań - 7 mamyr Otan qorǵaýshy kúnin Qazaqstan Respýblıkasynyń memlekettik merekesi retinde belgileýdi qarastyrady.
«Otandy qorǵaý árkimniń azamattyq boryshy ekendigi Ata zańymyzda da aıtylǵan. Olaı bolsa, ózimizdiń táýelsiz elimiz ben keń- baıtaq Otanymyzdy qorǵaýshylardyń jyl saıyn atalyp ótiletin kúnin belgileý óte oryndy. 7 mamyr - Otan qorǵaýshy kúni memlekettik merekesi bizdiń táýelsiz elimizdiń jaýyngerlerine jiger berip, olarǵa degen halqymyzdyń súıinishi men qurmetin arttyryp, ósip kele jatqan jastarymyzdyń da óz Otanynyń qorǵaýshysy bola bilýge degen qushtarlyqtaryn oıatpaq. Otansúıgishtik rýhta tárbıe alýyna áseri de zor», - dedi depýtat.
Sonymen qatar, senator Jabal Erǵalıev atalmysh merekeniń Uly jeńis kúni - 9 mamyr merekesimen tuspaldas kelýi, keshegi Otan qorǵaýshylardyń erlikteri úlgisinde búgingi jastardy tárbıeleýge jol ashady. «Urpaq sabaqtastyǵynyń jalǵasa túser tusy da osy ara», - deıdi depýtat.
