7 mamyr. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
7 mamyr, SÁRSENBІ Otan qorǵaýshylar kúni. 1992 jylǵy mamyrdyń 7-inde Memlekettik qorǵanys komıteti Qazaqstan Respýblıkasynyń Qorǵanys mınıstrligi bolyp qaıta quryldy. Dál osy kúni QR Prezıdenti N.Á.Nazarbaevtyń Jarlyǵymen Qazaqstan Respýblıkasynyń Qarýly Kúshteri quryldy. 7-shi mamyr - Otan qorǵaýshylar kúni Bas qolbasshy - Elbasy kezekti áskerı shender berý týraly Jarlyqqa qol qoıyp, erekshe kózge túsken áskerı qyzmetkerlerdi marapttaıdy. Radıo kúni. 1895 jyly orys ǵalymy fızık Aleksandr Stepanovıch Popov fızıka-hımııa qoǵamynyń otyrysynda ózi oılap tapqan álemdegi alǵashqy radıoqabyldaǵysh týraly baıandamasyn oqyp, ony jurtshylyqqa pash etti.
ESTE QALAR OQIǴALAR 39 jyl buryn (1975) Óskemen qalasyndaǵy Ertis ózeniniń jaǵasynda Uly Otan soǵysy jyldarynda mert bolǵan shyǵysqazaqstandyq azamattarǵa eskertkish ornatyldy. 29 jyl buryn (1985) Petropavldaǵy Jeńis saıabaǵynda 1941-1945 jj. soǵystaǵy Uly Jeńistiń 40 jyldyǵyna arnalǵan obelısk ashyldy. Bıiktigi - 14 metr, temir-betonnan jasalǵan, mármár taqtaıshamen qaptalǵan, Jeńistiń bir metrlik ordenimen kúptelgen. Obelıskiniń tómengi bóliginiń eki jaǵynda jaýyngerlerdiń músinderiniń releftik beınesi beınelengen. Kelesi eki jaǵynda týdyń jáne Qyzyl Tý ordeniniń sýreti oryn alǵan. Uly Otan soǵysy jyldary Soltústik Qazaqstan oblysynyń aýmaǵynda 314-shi atqyshtar dıvızııasy jáne taǵy basqa da áskerı bólimsheler uıymdastyrylǵan. 22 jyl buryn (1992) Prezıdent Jarlyǵymen Memlekettik qorǵanys komıteti Qazaqstan Respýblıkasynyń Qorǵanys mınıstrligi bolyp qaıta quryldy. Qorǵanys mınıstri bolyp general-polkovnık S.Nurmaǵambetov taǵaıyndaldy. 17 jyl buryn (1997) Almatydaǵy Mechnıkov kóshesine jazýshy, ǵalym, qoǵam qaıratkeri Ádı Sháripovtiń esimi berildi. 15 jyl buryn (1999) QR Prezıdentiniń Jarlyǵymen Reıhstagqa alǵashqylardyń biri bolyp Jeńis týyn tikken Rahymjan Qoshqarbaevqa «Halyq Qaharmany» ataǵy berildi. 14 jyl buryn (2000) Astanada Aýǵanstanda qaza tapqan jaýyngerlerge arnalǵan eskertkish memorıal ashyldy. Onyń granıt plıtkalaryna 761 jaýyngerdiń esimi qashalyp jazyldy. 5 jyl buryn (2009) Pavlodar oblysynnyń Aqsý qalasynda jaýynger-ınternatsıonalısterge arnalǵan eskertkish ornatyldy. Jaıaý áskerdiń jaýyngerlik mashınasy Baıanaýyl tastarynan qalanǵan bıik tuǵyrda ornatylǵan. Memorıal taqtada Aýǵanstan soǵysynda ajal qushqan jerlesterdiń esimderi jazylǵan. 4 jyl buryn (2010) Almatyda Uly Otan soǵysyna qatysqan qazaqtyń alǵashqy ushqysh qyzy, «Halyq Qaharmany» Hıýaz Dospanova ómiriniń sońǵy jyldaryn ótkizgen úıde memorıaldy taqta ashyldy. Sondaı-aq dál osy kúni Atyraý qalasyndaǵy skverde H.Dospanovaǵa arnalǵan qola bıýst ashyldy. Hıýaz Dospanova qazirgi Atyraý, burynǵy Gýrev oblysynyń Ganıýshkıno aýylynda dúnıege kelgen. 1940 jyly mektepti altyn medalmen bitirgen ol Máskeý memlekettik ınstıtýtyna túsken. Birinshi kýrsta erikti túrde suranyp maıdanǵa attanǵan. Ol erligi ańyzǵa aınalǵan 558-shi bombalaýshy polk quramynda boldy. Atqysh shtýrman retinde jaý tylyna 300-den astam ret ushyp shyqqan. «Qyzyl juldyz», ІІ dárejeli «Otan soǵysy», «Qyzyl Tý» ordenderimen, kóptegen medaldarmen marapattalǵan. 4 jyl buryn (2010) Aqtóbede Álııa Moldaǵulova atyndaǵy dańǵylda Keńes Odaǵynyń batyrlarynyń alleıasynyń qurylysy bastaldy. 4 jyl buryn (2010) Shymkentte Dańq memorıaly ashyldy. Qaladaǵy Abaı atyndaǵy saıabaqta osy oqıǵaǵa baılanysty saltanatty shara ótti. Memorıal bir kompozıtsııaǵa biriktirilgen birneshe eskertkishten quralǵan.
ESІMDER 84 jyl buryn (1930-1982) grafık-sýretshi, Qazaq KSR-niń halyq sýretshisi SIDORKIN Evgenıı Matveevıch dúnıege keldi. Reseıdiń Kırov oblysynda týǵan. Qazandaǵy kórkemsýret ýchılışesin, Rıgadaǵy kórkemsýret akademııasyn, Sankt-Peterbor qalasyndaǵy Keskindeme, músin jáne sáýlet ınstıtýtyn bitirgen. 1957 jyldan Almatyda qyzmet etken. Qazaq halyq ertegilerine arnalǵan «Kóńildi aldampazdar», «Qazaq eposy» ıllıýstratsııalarynyń, «Qazaqtyń ulttyq oıyndary», «Ǵasyrlar túneginen» atty avtolıtografııalardyń, «Sáken Seıfýllındi oqyǵanda» atty toptamanyń, M.Saltykov-Şedrınniń «Bir qalanyń tarıhy» romanyna ıllıýstratsııanyń avtory. Qazaq halqynyń tirshilik-bolmysyna, onyń ishki syr-sıpatyna tereń boılaǵan bul toptama sýretteri 1965 jyly Leıptsıgtegi kórmede altyn medaldi ıelendi. «Aqsaqaldar» atty avtolıtografııalar toptamasy men M.Áýezovtiń «Abaı joly» romanyna jasaǵan ıllıýstratsııalary úshin Qazaq KSR-i Memlekettik syılyǵy berildi. Sýretshi monýmentti-sándik óner salasynda da eńbek etti, ásirese monýmentti formaǵa beıimdiligin baıqatty. Almatydaǵy burynǵy «Tselınnyı» kınoteatrynyń foıesine arnap kóp qabatty túrli-tústi grafıtto kompozıtsııasyn jáne sýretshi O.Bogomolovpen birge balalar teatry frontonynyń mozaıkalyq úlken pannosyn jasady. 83 jyl buryn (1931-1978) konkıshi, Qazaqstan konkıshileri arasynan shyqqan tuǵysh sport sheberi, konkıden alys qashyqtyqtarǵa júgirýden jáne kópsaıystan Qazaqstannyń 12 dúrkin chempıony, 7 márte respýblıka rekordyn jańartýshy QAŃLYBAEV Oraz Musaǵalıuly dúnıege keldi. Semeı qalasynda týǵan. Máskeý memlekettik ortalyq dene tárbıesi ınstıtýtyn bitirgen. Ol konkı sportymen qatar boks, jeńil atletıka, velosıped, voleıbol, dopty hokkeımen de aınalysqan. Velosıped pen dopty hokkeıden Qazaqstan chempıony, basqa sport túrlerinen júldeger atanǵan. 1953 jyly KSRO quramasy sapynda Harbın qalasynda ótken Qytaıdyń ashyq birinshiligine qatysyp, eki qashyqtyqta rekord jańartqan. Munan keıin Beıjiń qalasynda ótken halyqaralyq jarysta birinshi oryn ıelengen. 1965-1968 jyldary Mońǵolııa quramasyn jattyqtyrdy. Sol jyldary shákirtteri Mońǵolııanyń 13 rekordyn jańartqan. Qazaqstanǵa oralǵannan keıin «Dınamo» sport qoǵamynda jattyqtyrýshy bolyp, Qazaqstan quramasyna jetekshilik jasady. Keıinnen respýblıkalyq joǵary sporttyq sheberlik mektebinde oqý isiniń meńgerýshisi, dırektory bolǵan. «Qurmet belgisi» ordenimen marapattalǵan. 73 jyl buryn (1941) Qazaq ulttyq agrarlyq ýnıversıteti mal tuqymyn asyldandyrý jáne mal sharýashylyǵy kafedrasynyń professory, aýyl sharýashylyǵy ǵylymynyń doktory, professor, QR Jaratylystaný ǵylymdary akademııasynyń akademıgi EGEÝBAEV Arǵynǵazy Ábýtálipuly dúnıege keldi. Qostanaı oblysynyń Qostanaı aýdanynda týǵan. Qostanaı aýyl sharýashylyǵy tehnıkýmyn, Almaty zooveterınarlyq ınstıtýtyn bitirgen. 106 ǵylymı jarııalanymnyń, onyń ishinde 2 monografııanyń, 2 oqýlyqtyń, 3 oqý quralynyń, 8 usynystyń, 14 oqý-ádistemelik nusqaýlyqtyń jáne 1 ónertabystyń avtory. Sonymen qatar 3 aýyl sharýashylyǵy ǵylymy kandıdatyn jáne 1 doktoryn darııarlaǵan. 1968-1996 jyldary Almaty zooveterınarlyq ınstıtýtynyń aspıranty, assıstenti, aǵa oqytýshysy, dotsenti, fakýltet dekany, kafedra meńgerýshisi, tárbıe jumystary jónindegi prorektory. 1996-2003 jyldary - Qazaq ulttyq agrarlyq ýnıversıteti aýyl sharýashylyǵy maldaryn azyqtandyrý jáne azyq óndirisi kafedrasynyń meńgerýshisi. Qazirgi qyzmetinde 2003 jyldan bastap isteıdi. Medaldarmen, KSRO Aýyl sharýashylyǵy mınıstrliginiń Qurmet gramotasymen marapattalǵan. 68 jyl buryn (1946) fızıka-matematıka ǵylymdarynyń doktory, professor YSQAQBAEV Álibaı dúnıege keldi. Almaty oblysynyń Jambyl aýdanynda týǵan. Qazaq memlekettik ýnıversıtetin bitirgen. QR ǴA Fızıka-matematıka ınstıtýtynyń ǵylymı qyzmetkeri, Qazaq polıtehnıkalyq ınstıtýtynyń, Almaty sáýlet-qurylys ınstıtýtynyń kafedra meńgerýshisi bolǵan. 1985 jyldan bastap qazirgi ál-Farabı atyndaǵy Qazaq ulttyq ýnıversıteti mehanıka kafedrasynyń dotsenti, professory. Ol mehanıkanyń jańa qalyptasyp kele jatqan salalarynyń biri - zaqymdaný mehanıkasyn zertteýshi maman. Onyń 60-tan astam ǵylymı jarııalanymy, onyń ishinde 2 monografııasy jaryq kórgen. 61 jyl buryn (1953) jazýshy, Qazaqstan Jazýshylar odaǵynyń múshesi ShOIBEK Orynbaı dúnıege keldi. Ońtústik Qazaqstan oblysynyń Saryaǵash aýdanynda týǵan. Qazaq memlekettik ýnıversıtetiniń jýrnalıstıka fakýltetin bitirgen. Saryaǵash aýdandyq «Qyzyl tý» gazetinde jaýapty hatshy, redaktordyń orynbasary, Kókshetaý, Ońtústik Qazaqstan oblystyq gazetterinde, oblystyq ákimshilikte jaýapty qyzmetter atqarǵan. Biraz ýaqyt respýblıkalyq «Egemen Qazaqstan» gazetiniń Ońtústik Qazaqstan oblysyndaǵy menshikti tilshisi, táýelsiz «Ar» gazetiniń bas redaktory, «Ǵasyr Sh» baspasynyń dırektory bolǵan. 1986 jyly «Jalyn» jýrnaly men Qazaq KSR Іshki ister mınıstrliginiń birigip jarııalaǵan jabyq báıgesinde «Qatelik» degen shytyrman hıkaıaty úshinshi oryndy, 1995 jyly «Jalyn» baspasy jarııalaǵan dástúrli báıgede «Ámirshiniń álegi» atty povesi bas júldeni ıelengen. Alǵashqy týyndylary «Arman qanatynda», «Saryaǵash sazdary» ujymdyq jınaqtaryna engen. Sodan bergi ýaqytta «Ómir degen osyndaı», «Tozańdy tereze», «Sańyraýqulaq», «Ámirshiniń álegi» povesteri men áńgimeleri, «Qaıǵy zaman nemese Tóle bı taǵdyry» roman-dılogııasy, t.b. jeke kitap bolyp shyqqan. 2003 jyly shyndyq derekterge negizdelgen «Túrmege túspeıtinder» atty detektıvti romany jaryq kórgen. 1999 jyly oblys ákiminiń «Altyn qaýyrsyn» júldesin, 2001 jyly «Jyldyń úzdik jazýshysy» ataǵyn ıelengen. 58 jyl buryn (1956) pedagogıka ǵylymynyń kandıdaty, Qazaqstan Jýrnalıster odaǵynyń múshesi, QR polıgrafııa jáne baspa isiniń eńbek sińirgen qaıratkeri MÁJENQYZY Raıhan dúnıege keldi. Almaty oblysynyń Raıymbek aýdanynda týǵan. Qazaq pedagogıkalyq ınstıtýtynyń matematıka fakýltetin bitirgen. 1979-1994 jyldary - «Mektep» baspasynyń redaktory. 1994 jyldan bastap QR Aqparat mınıstrliginiń Baspa jáne polıgrafııa isteri jónindegi departamenti baspa bóliminiń bastyǵy bolǵan. Ol balalarǵa arnalǵan birneshe kitaptyń, orta mektep oqýshylaryna, mektepke deıingi mekeme tárbıelenýshilerine arnalǵan oqý quraldarynyń avtory. Halyqaralyq kitap kórmesiniń qola medalimen, QR Mádenıet jáne qoǵamdyq kelisim mınıstrliginiń Qurmet gramotasymen marapattalǵan. 58 jyl buryn (1956) Qazaqstan Respýblıkasynyń Omby qalasyndaǵy konsýly, tehnıka ǵylymynyń kandıdaty, «Ekologııa» halyq akademııasynyń akademıgi QONAEV Eldar Asqaruly dúnıege keldi. Almaty qalasynda týǵan. Qazaq memlekettik ýnıversıtetin bitirgen. 1978-1979 jyldary - Qazaqstan ǴA ıAdrolyq fızıka ınstıtýtynyń ınjeneri. 1979-1983 jyldary - Qazaqstan ǴA Metallýrgııa jáne ken baıytý ınstıtýtynyń ınjeneri, kishi ǵylymı qyzmetkeri. 1983-1987 jyldary - Almaty qalalyq partııa komıtetiniń nusqaýshysy, bólim meńgerýshisiniń orynbasary. 1987-1988 jyldary - Qazaqstan kásipodaqtary respýblıkalyq keńesiniń nusqaýshysy. 1988-1989 jyldary - Qazaq polıtehnıkalyq ınstıtýtynyń ǵylymı qyzmetkeri. 1989-1992 jyldary - Qazaqstan ǴA Metallýrgııa jáne baıytý ınstıtýtynyń ǵylymı qyzmetkeri, aǵa ǵylymı qyzmetkeri, «Zaman» shaǵyn óndirisiniń dırektory. 1992 jyldan D.A.Qonaev atyndaǵy halyqaralyq qordyń vıtse-prezıdenti, prezıdenti. 1998-2001 jyldary - Almaty oblystyq Joǵary ekonomıkalyq keńesiniń bólim bastyǵy. 2001-2004 jyldary - QR Tótenshe jaǵdaılar agenttigi Tótenshe jaǵdaılardy eskertý departamentiniń dırektory, QR Tótenshe jaǵdaılar agenttigi tóraǵasynyń orynbasary. 2004 jyldan QR Tótenshe jaǵdaılar mınıstrliginiń Tótenshe jaǵdaılar aımaǵyn memlekettik baqylaý jáne qadaǵalaý komıteti tóraǵasynyń orynbasary bolǵan. 54 jyl buryn (1960) Aqmola oblysy Atbasar aýdanynyń ákimi ÁÝBÁKІROV Rýslan Shohmetuly dúnıege keldi. Aqmola oblysy Aqkól qalasynda týǵan. Tselınograd memlekettik pedagogıkalyq ınstıtýtyn, T.Rysqulov atyndaǵy Qazaq ekonomıkalyq ýnıversıtetin bitirgen. Tselınograd aýdany (Aqmola) Qosshy aýylyndaǵy keńshar-tehnıkýmynyń oqytýshysy, Jaqsy aýdandyq komsomol komıtetiniń hatshysy, Tselınograd oblystyq komsomol komıtetiniń sektor, bólim meńgerýshisi, hatshysy, birinshi hatshysy, Qazaqstan Jastar odaǵynyń Tselınograd oblystyq komıtetiniń birinshi hatshysy, Almaty qalasyndaǵy «Polıtek» jabyq túrdegi aktsıonerlik qoǵamynyń basshysy, «Agrofırma TNK» JShS basshysy, Aqmola oblysy Jaqsy, Şýche aýdandarynyń ákimi qyzmetterin atqarǵan. Qazirgi qyzmetinde - 2006 jyldyń 6 qarashasynan. 51 jyl buryn (1963) tarıh ǵylymynyń kandıdaty, saıasattaný ǵylymynyń doktory, Halyqaralyq telearna jáne radıo akademııasynyń, Qazaqstan Respýblıkasy Jýrnalıstıka akademııasynyń akademıgi QR Parlamenti Májilisi tóraǵasynyń orynbasary NAZARBAEVA Darıǵa Nursultanqyzy dúnıege keldi. 1963 jyly 7 mamyrda Qaraǵandy oblysynyń Temirtaý qalasynda týǵan. 1980-1983 jj. M.V. Lomonosov atyndaǵy Máskeý memlekettik ýnıversıtetiniń tarıh fakýltetinde oqyǵan. 1983-1985 jj. - S.M. Kırov atyndaǵy Qazaq memlekettik ýnıversıtetiniń tarıh fakýltetiniń stýdenti. 1985-1987 jj. - M.V. Lomonosov atyndaǵy Máskeý memlekettik ýnıversıteti tarıh fakýltetiniń taǵylymdamadan ótýshi-zertteýshisi. 1987-1990 jj. - M.V. Lomonosov atyndaǵy Máskeý memlekettik ýnıversıtetiniń aspıranty. Saıası ǵylymdar doktory, tarıh ǵylymdarynyń kandıdaty. 1992-1994 jj. - «Bóbek» balalar qaıyrymdylyq qorynyń vıtse-prezıdenti. 1994-1995 jj. - «Qazaqstan teledıdary men radıosy» respýblıkalyq korporatsııasynyń vıtse-prezıdenti, «Habar» Ulttyq televızııalyq aqparattyq agenttiginiń dırektory. 1995-1998 jj. - Qazaqstan Respýblıkasy Úkimetiniń «Habar» Agenttigi» respýblıkalyq memlekettik kásipornynyń bas dırektory. 1998-2001 jj. - «Habar» agenttigi» JAQ-nyń prezıdenti. 2001-2004 jj. - «Habar» agenttigi» JAQ-nyń dırektorlar keńesiniń tóraıymy. 2004-2007 jj. - ІІІ saılanǵan Qazaqstan Respýblıkasy Parlamenti Májilisiniń Respýblıkalyq «Asar» partııasynyń tizimi boıynsha saılanǵan depýtaty, «Aımaq» depýtattyq tobynyń jetekshisi. 2007-2012 jj. - «Qazaqstan Respýblıkasy Tuńǵysh Prezıdenti Qory» qoǵamdyq qorynyń dırektory. 2012-2014 jj. Qazaqstan Respýblıkasy Parlamenti Májilisi Áleýmettik-mádenı damý komıtetiniń tóraıymy. «Nur Otan» HDP saıası keńesiniń múshesi. 2001 jyldan bastap Eýrazııalyq medıa forýmynyń uıymdastyrýshysy jáne uıymdastyrý komıtetiniń tóraıymy. «Parasat» ordenimen jáne Frantsııa Respýblıkasynyń Ádebıet jáne óner ordenimen marapattalǵan. Aǵylshyn, ıtalıan, nemis tilderin meńgergen. 45 jyl buryn (1969) - «Astana EKSPO-2017» Ulttyq kompanııasy» AQ basqarma tóraǵasy ERMEGIıAEV Talǵat Amangeldiuly dúnıege keldi. Almaty qalasynda týǵan. 1993 jyly Almaty sáýlet-qurylys ınstıtýtyn ónerkásiptik jáne azamattyq qurylys mamandyǵy boıynsha bitirgen. 2004 jyly Qazaq kólik jáne kommýnıkatsııalar akademııasyn temirjol kóliginde tasymaldaýdy uıymdastyrý jáne basqarý mamandyǵy boıynsha aıaqtaǵan. 2009 jyly P.F.Lesgaft atyndaǵy Memlekettik dene shynyqtyrý, sport jáne densaýlyq ýnıversıtetin (Sankt-Peterbýrg qalasy) deneshynyqtyrý mamandyǵy boıynsha bitirgen. Ekonomıka ǵylymdarynyń kandıdaty. 1993-1998 jyldar aralyǵynda Halyqaralyq ekonomıkalyq jáne áleýmettik reformalar qorynyń Almaty bólimshesinde («Reforma» qory) dırektordyń orynbasary, atqarýshy dırektor bolyp jumys istedi. 1998-2002 jyldary «Rahat» Qazaqstan-Avstrııa birlesken kásiporny bas dırektorynyń orynbasary qyzmetin atqarǵan. 2002-2005 jyldary - «Qazaqstan Temir Joly» Ulttyq kompanııasy» JAQ bas dırektorynyń keńesshisi, atqarýshy dırektory, qurylys jónindegi basqarýshy dırektory. 2005-2006 jyldar aralyǵynda - «Qazaqstan Temir Joly» Ulttyq kompanııasy» AQ vıtse-prezıdenti. 2006-2008 jyldary - «AlmatyQurylys» Ulttyq holdıng kompanııasy» aktsıonerlik qoǵamynyń birinshi vıtse-prezıdenti laýazymynda. 2008-2011 jyldary - týrızm jáne sport vıtse-mınıstri. 2011 jyly Qazaqstan Respýblıkasy Týrızm jáne sport mınıstri qyzmetin atqardy. 2012-2013 jj. Qazaqstan Respýblıkasy Sport jáne dene shynyqtyrý agenttiginiń tóraǵasy. 44 jyl buryn (1970) KTK telearnasynyń bas dırektory ShORAEV Arman Tólegenuly dúnıege kelgen. Kókshetaý oblysynda týǵan. Kókshetaý pedagogıkalyq ınstıtýtyn, «Ádilet» joǵary mektebin, Ekonomıka jáne menedjment ınstıtýtyn orys tili men ádebıetiniń muǵalimi, zańger, ekonomıka magıstri mamandyqtary boıynsha bitirgen. 1989-1991 jj. - Kókshetaý oblystyq radıosynyń jastar baǵdarlamasynyń redaktory; 1991-1995 jj. - Kókshetaý oblystyq teleardıokompanııasynyń tikeleı efırdeni baǵdarlamasynyń júrgizýshisi, 1996-1997 jj. «Oqjetpes» TRK dırektory. 1997-1999 jj. - Astana qalasy boıynsha KTK telearnasynyń menshikti tilshisi. 1999-2004 jj. - Aqmola oblystyq teleradıokompanııasynyń tóraǵasy, 2004-2006 jj. - «Habar» agenttiginiń Ortalyq bıýrosynyń dırektory. 2005 jyly QR prezıdenttigine kandıdat N.Á.Nazarbaevtyń respýblıkalyq qoǵamdyq shtabynyń baspasóz qyzmetiniń jetekshisi. 2006 jyly «Habar» agenttigi» AQ bas dırektorynyń orynbasary, 2006-2007 jj. - QR Prezıdenti Ákimshiliginiń áleýmettik-saıası bóliminiń bas ınspektory. Atalǵan telearna basshylyǵy qyzmetinde 2007 jyldyń maýsym aıynan.