7-Qysqy Azııalyq oıyndarda jańa rekordtar ornatylatynyna senimim mol - N.Nazarbaev
ASTANA. 30 qańtar. QazAqparat /Arman Asqarov/ - «Astana-Arena» stadıonynda 7-Qysqy Azııa oıyndarynyń ashylý rásimi márege jetti.
Jınalǵan qaýymnyń aldynda sóz sóılegen Qazaqstan Prezıdenti Nursultan Nazarbaev Azıadanyń Qazaqstanda alǵash ret ótkizilip otyrǵanyn aıta kelip, «muny bizdiń elimizge kórsetilgen qurmettiń belgisi dep bilemin», dep atap kórsetti. Azıadany ótkizýge elimizdiń úlken daıyndyqpen kelip otyrǵanyn aıtyp ótken Elbasy, respýblıkamyzda birqatar jańa sporttyq nysandar, onyń ishinde búgingi ashylý saltanaty ótip otyrǵan «Astana-Arena» stadıony salynǵanyn aıtty.
N.Nazarbaev sondaı-aq, búgingi Azıadanyń Qazaqstan Táýelsizdiginiń 20 jyldyǵynda ótetin birqatar úlken sharalardyń betashary ekenin jetkizdi.
