7-Qysqy Azııa oıyndarynyń saltanatty ashylýy men jabylý rásimderine bıletterdi jappaı satý bastaldy

Bıletterdi satý kassalary Almatyda - 9, Astanada - 11 jerde ornalasqan. Sondaı-aq Qazaqstannyń qalǵan barlyq 14 óńirinde bıletterge tapsyrys berý qyzmetteri jumys isteıdi. Bıletterdi sonymen birge, on-laın túrinde www.astana-almaty2011.kz resmı saıtynan jáne www.meloman.kz ınternet-portalynan satyp alýǵa bolady. On-laın rejiminde alynǵan bıletterge tólem, satý kassalaryna ne bolmasa halyqaralyq tólem júıeleri arqyly júrgiziledi.

Oıyndardyń saltanatty ashylýy 2011 jylǵy 30 qańtar kúni keshki saǵat 18.00-de Astana qalasyndaǵy «Astana-Arena» stadıonynda (30 myń oryn) ótedi. Bıletterdiń baǵasy - 7500-15000 teńge aralyǵynda. Oıyndardyń jabylý rásimi 6 aqpan kúni Almaty qalasyndaǵy B.Sholaq atyndaǵy mádenıet jáne sport saraıynda ótedi (5 myń oryn). Bıletterdiń baǵasy - 4500-12000 teńgege deıin.

Іs-sharalarǵa kirgizý qatań túrde shtrıh-kodtary bar bılettermen ǵana júzege asyrylady. Olardyń túpnusqalyǵy arnaıy skaner arqyly tekseriletin bolady. Kórermender zalyna kireberiste sondaı-aq, ruqsat etilmegen zattarǵa tekseris júrgizý qarastyrylyp otyr.

Uıymdastyrýshylardyń aıtýynsha, Qysqy Azııa oıyndarynyń ashylý saltanaty Táýelsiz Qazaqstan men Azııa oıyndarynyń tarıhyndaǵy eń áserli shoý-baǵdarlama bolady. Oǵan el basshylyǵy, Dostastyq elderdiń basshylary, Halyqaralyq olımpıada komıtetiniń jáne Azııa olımpıadalyq keńesiniń prezıdentteri jáne basqa da qurmetti qonaqtar qatysady. Oıyndardyń ashylýyna satylatyn bıletter kórermenderge «Astana-Arena» stadıonyna jetýge bolatyn tolyq aqparattary bar arnaıy muqabaǵa salynady.

Al Oıyndardyń jabylý rásimi barysynda Aq Azıadanyń nátıjesi shyǵarylatyn bolady. Shara barysynda, sondaı-aq Azııa olımpıadalyq keńesiniń baıraǵyn kelesi 8-Qysqy Azııa oıyndaryn uıymdastyrýshy elge saltanatty túrde tapsyrý rásimi ótedi.