7-qysqy Azııa oıyndarynda taý shańǵyshylary 2 kúnniń ishinde el qorjynyna 2 altyn, 4 kúmis, 1 qola medal saldy
ALMATY. 1 aqpan. QazAqparat /Erlik Erjanuly/ - 7-Qysqy Azııa oıyndary aıasynda búgin "Shymbulaq» taý shańǵysy bazasynda erler men áıelder arasynda sýpergıgant jarystary ótti. Onda qazaqstandyq sportshylar 1 altyn, 2 kúmis medal oljalady. Bul saıysta Igor Zakýrdaev Azııa chempıony atansa,
Dmıtrıı Koshkın men Lıýdmıla Fedotova kúmis júldeger atandy. Keshe taýdan jyldam quldılaý synynda Dmıtrıı altyn, Igor men Lıýdmıla kúmis medal alǵan edi. Al qonaqtardan Koreıa sportshylary 1 altyn, 1 qola medalǵa ıe bolǵan bolatyn. Búgin qazaqstandyq shańǵyshylar taǵy da 1 altyn, 1 qola júlde aldy. Onda sondaı-aq, erler arasynda ırandyqtar alǵashqy qola medalderin jeńip aldy. Endi 3 aqpan kúni erler, al 4-inde áıelder sýperkombınatsııadan synǵa túsetin bolady.
