7-Qysqy Azııa oıyndarynda el namysyn qorǵaıtyn sportshylardyń tizimi jarııalandy
ALMATY. 17 qańtar. QazAqparat /Erlik Erjanuly/ - Búgin Ulttyq shtattyq komandalar jáne sport rezervi dırektsııasy 30 qańtar men 6 aqpan aralyǵynda ótetin 7-Qysqy Azııa oıyndarynda el namysyn qorǵaıtyn sportshylardyń tizimin jarııalady.
Onda el namysyn: shańǵy sportynan - 20; bıatlonnan - 12; taý shańǵysy sportynan - 8; frıstaıldaǵy mogýlden - 6, akrobatıkadan - 6; konkımen júgirý sportynan - 18; shańǵymen tuǵyrdan sekirýden - 5; mánerlep syrǵanaýdan - 8; sporttyq baǵdarlaýdan - 12; short-trekten - 10; dopty hokkeıden - 18; shaıbaly hokkeıde áıelder arasynda - 22, erler arasynda - 23 sportshy qorǵaıtyn bolady.
Shańǵy sportynan bas bapker Aleksandr Batıaıkın quramaǵa Shyǵys Qazaqstan (10), Aqmola (7), Pavlodar (1), Batys Qazaqstan (1) oblystary men Astana qalasynan (1) erler men áıelder arasynda on-onnan sportshy tartyp otyr.
Aleksandr Tkachýk tizginin ustaǵan bıatlonshylar arasynda Aqmola (5), Shyǵys Qazaqstan (5), Almaty (2) oblystarynan erlerden - 6 , áıelderden - 6 sportshy bar. Sergeı Chaadaev baptaıtyn taý shańǵyshylarynyń ishinde Almaty qalasy (5) men Shyǵys Qazaqstan (3) oblysynan erlerden - 5 , áıelderden - 3 atlet qosylǵan.
Al frıstaıldaǵy mogýlden bapker Vıktor Lemeshko shyǵys qazaqstandyq, al akrobatıkada Mýrat Ablıatıfov - Ońtústik Qazaqstan (5) men Pavlodar (1) oblystarynan erler men áıelderden úsh-úshten sportshyny básekege qospaq.
Konkımen júgirýshilerdi jattyqtyrýshy Vadım Saıýtın Qostanaı (5), Soltústik Qazaqstan (5), Qaraǵandy (1), Aqtóbe (1) oblystarynan jáne Astana (5) men Almaty (1) qalalarynan erlerden - 9, áıelderden - 9 júırikke úmit artýda.
Shańǵymen tuǵyrdan sekirýde bas bapker Qaırat Bıekenov quramaǵa Almaty qalasy (4) men Shyǵys Qazaqstan oblysynyń (1) tálimgerlerin tartqan. Quralaı Uzurova mánerlep syrǵanaýshylardan Almaty (3), Astana (2) qalalary men Almaty (1), Batys Qazaqstan (2) oblystarynan erlerden de, áıelderden de tórt-tórtten sańlaqty qosyp otyr. Short-trekte de Mádiǵalı Qarsybekov Batys Qazaqstan (6) men Qostanaı (4) oblystarynan erlerden - 5, áıelderden - 5 sportshyny tańdap alǵan. Dopty hokkeıde Alekseı Nıkıshov batysqazaqstandyqtarǵa úmit artýda.
Shaıbaly hokkeıde Aleksandr Maltsev áıelder arasynda Almaty qalasynyń -21 jáne Shyǵys Qazaqstan oblysynyń -1, al Andreı Shaıanov erler arasynda Shyǵys Qazaqstan (17), Qaraǵandy (3) oblystary men Astana qalasynyń (3) sportshylaryn bul dúbirli dodada alańǵa bastap shyqpaq.
