7-Qysqy Azııa oıyndaryna qatysatyn KHDR quramasy Astanaǵa keldi
ASTANA. 27 qańtar. QazAqparat /Jasulan Amanbaıuly/ - Búgin Astanaǵa 7-Qysqy Azııa oıyndaryna qatysatyn Koreıa Halyqtyq-Demokratııalyq Respýblıkasynyń sportshylary kelip jetti. Sheteldik delegatsııany kútip alǵan Azıada uıymdastyrý komıtetiniń atqarýshy dırektsııasy elordadaǵy muz qalashyǵynda saltanatty túrde qurmet kórsetti.
Soltústik Koreıa eliniń atynan 55 ókil, 29 sportshy, 4 fıgýrıst, shaıbaly hokkeıden áıelder quramasy, 7 short-trek sportshysy kelip otyr.
KHDR quramasy alǵash ret Qysqy Azııa oıyndaryna 1990 jyly qatysqan bolatyn. Degenmen eki Azıadaǵa qatysqannan keıin, bul sharadan taǵy da qol úzip qalady. Sońǵy ret Aq Azıadada 1998 jyly bolǵan olar, arada 13 jyl salyp, Qazaqstanda ótetin 7-Qysqy Azııa oıyndaryna qaıta oralyp otyr.
Saltanatty sharada KHDR baıraǵy aspanǵa kóterilip, eldiń ánurany shyrqaldy. Azıadanyń estelik kádesyılary tabystalyp, gúl shoqtary tartý etildi.
