7-qysqy Azııa oıyndaryna «Dınamo» sport qoǵamynyń músheleri qurama qorjynyna 12 altyn, 5 kúmis, 4 qola medal saldy
ALMATY. 7 aqpan. QazAqparat /Erlik Erjanuly/ - 7-qysqy Azııa oıyndarynda ulttyq qurama sapynda 9 sport túri boıynsha «Dınamo» deneshynyqtyrý jáne sport qoǵamynyń 44 sportshysy óner kórsetti.
Olar bul jarysta 12 altyn, 5 kúmis, 4 qola medal oljalady. Al bul jarysta Qazaqstan sporttyń 11 túri boıynsha 32 altyn, 21 kúmis, 17 qola medalmen beıresmı jalpykomandalyq esepte 1-oryn alǵan bolatyn. Onda «Dınamodan» óskemendik frıstaılshiler arasynan ıÝlııa Galysheva 2 altyn, Dmıtrıı Bormashov 1 altyn, 1 qola, Dmıtrıı Reıherd 1 altyn, al ıÝlııa Rodınova 1 kúmis júlde aldy. Bıatlonda kókshetaýlyq Aleksandr Chervıakov 2 márte Azııa oıyndarynyń chempıony, taldyqorǵandyq Elena Hrýstaleva Azııanyń altyn jáne kúmis júldegeri atandy. Shańǵy jarysynan rıdderlik Alekseı Poltaranın 2 altyn, 1 qola, al Sergeı Cherepanov 1 kúmis medal ıelendi. Konkı tebýde qostanaılyq Denıs Kýzın altyn júldeni, qyzyljarlyq Dmıtrıı Babenko 2 kúmis, 1 qola júldeni omyraýyna taqty. Taý shańǵysynan óskemendik Igor Zakýrdaev 1 márte Azııa oıyndarynyń jeńimpazy jáne 2 márte kúmis júldeger atandy. Shańǵymen tuǵyrdan sekirýde almatylyq Radık Japarov qola, al oraldyqtar erler arasynda tuńǵysh ret Azııa oıyndarynyń baǵdarlamasyna engen shaıbaly hokkeıden chempıondyq ataqty jeńip aldy.
