7-Qysqy Azııa oıyndaryna 2 myńnan astam BAQ ókili tirkeldi
ALMATY. 24 qańtar. QazAqparat /Erbol Azanbek/ - 7-Qysqy Azııa oıyndaryna álemniń 17 elinen 2 myńnan astam jýrnalıst tirkeldi.
Bul týraly keshe Almaty ákimi Ahmetjan Esimovtiń 7-Qysqy Azııa oıyndarynyń baspasóz jáne IBC ortalyǵynyń jumysymen tanysýy barysynda málim boldy.
Baspasóz ortalyǵy kópsalaly «Almaty Taýers» bıznes ortalyǵynda ornalasqan. 400 jýrnalıstiń jumys isteýine laıyqtalǵan ortalyqta birneshe tildi meńgergen eriktiler men dırektsııa qyzmetkerleri jumys isteıtin bolady. Zal oıyndardy tikeleı kórýge arnalǵan monıtorlarmen, halyqaralyq baılanysqa múmkindik beretin baılanyspen, joǵary jyldamdyqtaǵy ınternetpen jabdyqtalǵan. Sondaı-aq konferentsııalarǵa arnalǵan baspasóz zaly bar.
Esterińizge sala keteıik, bunymen qatar Almatydaǵy oıyndar ótetin nysandarda 6 arnaıy baspasóz ortalyǵy jumys isteıtin bolady.
