7-qysqy Azııa oıyndaryn uıymdastyryp otyrǵan Qazaqstan yntymaq pen ózara túsinistikke sport arqyly jol ashyp otyr- Azııa olımpıadalyq keńesiniń prezıdenti sheıh Ahmad ál-Fahad ál-Sabah
ANA. 31 qańtar. QazAqparat /Arman Asqarov/ - 7-qysqy Azııa oıyndaryn uıymdastyryp otyrǵan Qazaqstan yntymaq pen ózara túsinistikke sport arqyly jol ashyp otyr.
Keshe, qańtardyń 30-y kúni elordadaǵy «Astana-Arena» stadıonynda ótken 7-qysqy Azııa oıyndarynyń saltanatty ashylý rásiminde Azııa olımpıadalyq keńesiniń prezıdenti sheıh Ahmad ál-Fahad ál-Sabah osylaı aıtty.
«Azııa oıyndaryn bir qalada uıymdastyrý ońaı emes. Al Qazaqstan bul aýqymdy is-sharany eki birdeı qalada ótkizýde. Bunyń ózi daıyndyq jumystaryn eki eseleıdi», - dedi sheıh Ahmad ál-Fahad ál-Sabah.
Óz sózinde ol 7-qysqy Azııa oıyndaryn joǵary deńgeıde uıymdastyrǵan Qazaqstannyń Prezıdentine, úkimetke, uıymdastyrý komıtetine, sondaı-aq Astana men Almaty qalalarynyń turǵyndaryna alǵys aıtty. «Osy múmkindikti paıdalana otyryp, men Azııa oıyndary ótip jatqan Astana men Almaty qalalaryndaǵy eriktilerge, baspasóz ókilderi men demeýshilerge zor alǵysymdy aıtyp, qysqy sport qýanyshyn, Azııanyń yntymaǵy men birliginiń qýanyshyn bólisýge shaqyramyn. Búgin Qazaqstan yntymaq pen ózara túsinistikke sport arqyly jol ashyp otyr. Jyl maýysynyń sýyqtyǵyna qaramastan, biz sııaqty qonaqtar úshin qazaq halqynyń júregi jyly, nıeti meımandos. Sol úshin alǵysymyz sheksiz», - dep atap kórsetti Azııa olımpıadalyq keńesiniń prezıdenti.
