7-qysqy Azııa oıyndaryn kem degende 1,3 mlrd. telekórermen tamashalady

Bul týraly búgin Azııa Oıyndarynyń qorytyndysyna arnalǵan baspasóz máslıhatynda AWAGOC resmı halyqaralyq teletaratylymnyń «Rocket Media Communications» kompanııasynyń bas dırektory Maıkl Grabner málim etti.

«Bizge Qazaqstanda jumys isteý óte qyzyqty boldy. Qazaqstan álemge áli de etene tanys bolmaǵandyqtan, ony ár qyrynan ashyp kórsetýimiz kerek boldy. Qazaqstan tarıhy tereńde jatqan demokratııalyq, áleýeti joǵary jas memleket. Bizdiń pikirimizshe, Azııa oıyndary - Qazaqstanǵa óziniń zamanaýı kelbetin búkil álemge pash etýdiń múmkindigi boldy. Sondyqtan biz bul jobaǵa bar kúsh-jigerimizdi saldyq. Oıyndardy joǵary deńgeıde aqparattandyrý úshin tipti, álemniń ártúrli elderinen qosymsha qyzmetkerlerdi jumyldyrdyq», - dedi M.Grabner.

M.Grabner atap kórsetkendeı, 7-qysqy Azııa oıyndary bastalmaı turyp, eldiń Oıyndarǵa daıyndyq barysy týraly derekti fılm túsirdi. Fılm Qazaqstannyń ornalasqan jeri, onyń alyp jatqan aýmaǵy men áleýeti týrasynda mol derekterdi qamtydy. Fılmniń kórsetilimine álemdik jetekshi telekanaldardan ótinimder kóptep tústi. Sonyń ishinde Euronews bar. Euronews 5 mınýttyq fılmdi óz arnasynda ústimizdegi jylǵy aqpannyń 2-8 aralyǵynda 24 ret kórsetti.

Onymen birge, «Rocket Media Communications» kompanııasy Oıyndar barysynda halyqaralyq telearnalar úshin kún saıyn sıýjetter ázirlep, jiberip otyrdy. Al Aq Azıada aıaqtalǵannan keıin 26 mınýttyq qorytyndy derekti fılm jasady.

«Túsirilgen derekti fılmder 10 tilge aýdarylyp, 182 eldiń ortalyq telearnalarynda kórsetildi. Jalpy álem boıynsha 7-qysqy Azııa oıyndary týraly kórsetilgen sıýjetterdiń barlyq efırlik ýaqyty 1 myń 676 saǵatty qurady. Olardy kem degende 1,3 mlrd. telekórermen tamashalady. Oıyndar jalpy alǵanda 541 arnada kórsetildi», - dep túıindedi sózin kompanııanyń bas dırektory.

Aıta keteıik, avstrııalyq «Rocket Media Communications» kompanııasy Eýropadaǵy iri medıa-kompanııalardyń biri bolyp tabylady.