7-Qysqy Azııa oıyndaryn birinshi ret álem boıynsha tamashalaýda - T. Dosmuhambetov
ALMATY. 1 aqpan. QazAqparat /Erbol Turymbetov/ - Elimizde ótip jatqan 7-Qysqy Azııa oıyndaryn tuńǵysh ret álem kórermenderi tamashalaýda. Ony búgin QR Týrızm jáne sport mınıstri Temirhan Dosmuhanbetov Almatyda ótken baspasóz máslıhatynda aıtty.
Mınıstrdiń aıtýynsha, «Eýrosport», «Rossııa» sekildi 4 telearna Aq Azıada oıyndarynan jańalyqtar men kórsetilimder jasaýda. «Bul elimizde jalpy Azııa oıyndaryna álemniń kóz tige bastaǵanyn kórsetedi. Sondaı-aq Qazaqstannyń 2022 jyly Aq Olımpıadany ótkizý múmkindigi úshin jaqsy jarnama», - dedi T. Dosmuhamedov.
Sonymen qatar mınıstr Aq Azıadanyń ótýine barlyq qazaqstandyqtardyń belsendi atsalysyp jatqanyn atap ótti. «Men Halyqaralyq Olımpıada komıtetiniń tóraǵasy Jak Rogge myrzaǵa alǵysymdy bildiremin. Sońǵy ótken jazǵy jáne qysqy Azııa oıyndaryn jibermesten qatysyp keledi. Bul jalpy sporttyń Azııa qurlyǵyna bet bura bastaǵanyn bildiredi», -dedi mınıstr.
