7-Qysqy Azııa oıyndary dopty hokkeıdiń Olımpıada baǵdarlamasyna enýine jasalǵan alǵashqy qadam - QR Dopty hokkeı federatsııasynyń Bas hatshysy
ALMATY. 1 aqpan. QazAqparat /Erlik Erjanuly/ - 2012 jyly Almatydaǵy Medeý muz aıdynynda dopty hokkeıden Álem chempıonaty ótedi.
Bul jaıly QR Dopty hokkeı federatsııasynyń Bas hatshysy Vladımır Savchenko búgin Almatyda ótken baspasóz máslıhatynda málimdedi. Onyń aıtýynsha, bul sheshim 28 qańtar kúni Máskeýde ótken Halyqaralyq dopty hokkeı federatsııasynyń kongresinde maquldanǵan.
Jalpy dopty hokkeıden alǵash ret Álem chempıonaty 1957 jyly Fınlıandııada ótken bolatyn. Oǵan KSRO, Shvetsııa jáne Fınlıandııa quramalary qatysty. Al 1961 jyly Norvegııada ótken 2-Álem chempıonatynda olardyń qataryna jarys qojaıyndary qosyldy. Sodan beri árbir 2 jylda bir ótip kele jatqan bul baıraqty básekeniń qatysýshylary ósý ústinde. Oǵan 1995 jyldan beri Qazaqstannyń ulttyq quramasy qatysyp kele jatyr. Sońǵy Álem chempıonaty bıyl 24-31 qańtar kúnderi Máskeý qalasynda boldy.
