7-Qysqy Azıada oıyndarynyń eriktileri «Qazaqstan alǵa!» atty aktsııa ótkizdi
ASTANA. 21 qańtar. QazAqparat /Marlan Jıembaı/ - Búgin L.Gýmılev atyndaǵy Eýrazııa ulttyq ýnıversıtetinde «Qazaqstan alǵa!» degen uranmen aktsııa ótti.
Aktsııa barysynda sóz alǵan QR Bilim jáne ǵylym mınıstrliginiń Jastar saıasaty departamenti dırektorynyń orynbasary Ermek Jantoqov mınıstrlik tarapynan JOO-larǵa arnaıy hat ázirlenip, Azıada barysynda qyzmet kórsetetin stýdentterdiń emtıhandary keıinge shegerilgenin atap ótti.
«Sondyqtan da biz sizderdi Azıada oıyndarynda jaqsy qyzmet kórsetip, Qazaqstannyń abyroıyn joǵary kóteredi dep senemiz. Sonymen qatar bizdiń sportshylarymyzben birge úzdik nátıjelerge qol jetkizetindikterińizge senim artamyz», - dedi ol.
Sondaı-aq L.Gýmılev atyndaǵy Eýrazııa ulttyq ýnıversıtetiniń oqý isi jónindegi prorektory Zııabek Qabyldın, Qazaqstan-Reseı ýnıversıtetiniń rektory Ábdiǵalı Jandyǵulov sóz sóılep, eriktilerge sáttilik tiledi.
Іs-sharaǵa memlekettik organdardyń, úkimettik emes uıymdardyń, 7-Qysqy Azıada oıyndaryn uıymdastyrý komıtetiniń ókilderi qatysty.
7-qysqy Azıada oıyndarynda qyzmet kórsetetin eriktiler tobynyń qatysýymen ótken sharanyń negizgi maqsaty - jas býynnyń patrıottyq rýhyn kóterý, qazaqstandyq eriktiler qozǵalysynyń deńgeıin arttyrý.
